Hadith: “ជនណាដែលសិក្សាចំណេះដឹងណាមួយក្នុងចំណោមចំណេះដឹងដែលគេសិក្សាវាដើម្បីស្វែងរកការពេញចិត្ដពីអល់ឡោះ ប៉ុន្ដែរូបគេបែរជាសិក្សាវាដោយគ្មានបំណងអ្វីក្រៅពីចង់បានទ្រព្យសម្បត្ដិលោកិយទៅវិញនោះ រូបគេនឹងមិនបានធំក្លិនឋានសួគ៌ឡើយនៅថ្ងៃបរលោក”។

عَنْ أَبِي هُرَيْرَةَ رَضيَ اللهُ عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«مَنْ تَعَلَّمَ عِلْمًا مِمَّا يُبْتَغَى بِهِ وَجْهُ اللَّهِ عَزَّ وَجَلَّ لَا يَتَعَلَّمُهُ إِلَّا لِيُصِيبَ بِهِ عَرَضًا مِنَ الدُّنْيَا لَمْ يَجِدْ عَرْفَ الْجَنَّةِ يَوْمَ الْقِيَامَةِ» يَعْنِي رِيحَهَا.
[صحيح] - [رواه أبو داود وابن ماجه وأحمد] - [سنن أبي داود: 3664]

អំពី អាពូហ៊ូរ៉យរ៉ោះ رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ជនណាដែលសិក្សាចំណេះដឹងណាមួយក្នុងចំណោមចំណេះដឹងដែលគេសិក្សាវាដើម្បីស្វែងរកការពេញចិត្ដពីអល់ឡោះ ប៉ុន្ដែរូបគេបែរជាសិក្សាវាដោយគ្មានបំណងអ្វីក្រៅពីចង់បានទ្រព្យសម្បត្ដិលោកិយទៅវិញនោះ រូបគេនឹងមិនបានធំក្លិនឋានសួគ៌ឡើយនៅថ្ងៃបរលោក”។
[صحيح] - [رواه أبو داود وابن ماجه وأحمد] - [سنن أبي داود - 3664]

Explanation

ណាពី ﷺ លោកបានបញ្ជាក់ថា ជនណាដែលសិក្សាចំណេះដឹងផ្នែកសាសនាឥស្លាមដែលជាមូលដ្ឋាន គឺគេសិក្សាវាដើម្បីស្វែងរកការពេញចិត្ដពីអល់ឡោះ ក៏ប៉ុន្ដែរូបគេបែរជាសិក្សាវាក្នុងបំណងចង់បានលាភសំណាងលោកិយទៅវិញ ដូចជាទ្រព្យសម្បត្តិ ឬឋានៈសក្តិជាដើមនោះ រូបគេនឹងមិនបានធំក្លិនឋានសួគ៌ឡើយនៅថ្ងៃបរលោក។

Benefits from the Hadith

1. ចាំបាច់ត្រូវមានភាពជ្រះថ្លា(អៀខ្លើស)ក្នុងការស្វែងរកចំណេះដឹង និងជំរុញឲ្យមានភាពជ្រះថ្លា។
2. ព្រមានយ៉ាងធ្ងន់ធ្ងរចំពោះអ្នកដែលសិក្សាចំណេះដឹងឥស្លាមដើម្បីចង់បានមុខមាត់(រីយ៉ាក) ឬជាឈ្នាន់ដើម្បីចាប់យកលោកិយ ហើយពិតណាស់ការធ្វើដូច្នោះ គឺស្ថិតក្នុងចំណោមបាបកម្មធំ។
3. ពិតប្រាកដណាស់ ជនណាដែលស្វែងរកចំណេះដឹងក្នុងនាមអល់ឡោះ ហើយលាភសំណាងលោកិយក៏មកដល់រូបគេផងដែរនោះ គឺគេអនុញ្ញាតឲ្យទទួលយកវា ហើយការធ្វើដូច្នោះ គឺគ្មានផលប៉ះពាល់អ្វីដល់គេឡើយ។
4. អាស្ស៊ិនទី បាននិយាយថា៖ ប្រសាសន៍របស់ណាពី ﷺ៖ “ក្លិនឋានសួគ៌” គឺជាបង្ហាញពីការហាមប្រាមដ៏តឹងរឹងអំពីឋានសួគ៌ ព្រោះថាបើសូម្បីតែក្លិនក៏មិនអាចទទួលបានផង នោះរសជាតិរបស់វា គឺរឹតតែមិនអាចទៅហើយ។
5. ជនណាដែលសិក្សាចំណេះដឹងណាមួយក្នុងចំណោមចំណេះដឹងដែលគេសិក្សាវាដើម្បីស្វែងរកការពេញចិត្ដពីអល់ឡោះក្នុងបំណងចង់បានការងារ ឬក្នុងបំណងអ្វីផ្សេងទៀត គឺចាំបាច់លើរូបគេត្រូវរួសរាន់សារភាពកំហុស(តាវហ្ពាត់)ទៅកាន់អល់ឡោះពីប្រការនោះ ហើយអល់ឡោះជាម្ចាស់នឹងលុបលាងនូវអ្វីដែលបានកើតឡើងពីការនៀតមិនត្រឹមត្រូវនោះ។ ហើយអល់ឡោះជាម្ចាស់ជាអ្នកដែលមានក្តីសប្បុរសដ៏ធំធេងបំផុត។
6. ការព្រមាននេះ គឺចំពោះអ្នកដែលសិក្សាចំណេះដឹងឥស្លាមប៉ុណ្ណោះ។ ចំណែកឯអ្នកដែលសិក្សាចំណេះដឹងណាមួយក្នុងចំណោមចំណេះដឹងលោកិយដើម្បីទទួលបានផលប្រយោជន៍លោកិយ ដូចជាវិស្វកម្ម ឬគីមីវិទ្យា ឬចំណេះដឹងផ្សេងទៀត គឺគេនឹងទទួលបានតាមអ្វីដែលគេបាននៀត។