1. Ang Pangunahin
  2. Ang mga Kategorya
  3. Ang mga Kainaman at ang mga Kaasalan

Ḥadīth Ang sinumang nagpakatuto ng isang kaalamang kabilang sa hinahangad dito ang kaluguran ng mukha ni Allāh (kamahal-mahalan Siya at kapita-pitagan) — na hindi pala nagpapakatuto nito kundi upang magkamit siya sa pamamagitan nito ng isang mahihita mula sa Mundo — hindi makaamoy ng samyo ng Paraiso sa Araw ng pagbangon

عَنْ أَبِي هُرَيْرَةَ رَضيَ اللهُ عنه قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«مَنْ تَعَلَّمَ عِلْمًا مِمَّا يُبْتَغَى بِهِ وَجْهُ اللَّهِ عَزَّ وَجَلَّ لَا يَتَعَلَّمُهُ إِلَّا لِيُصِيبَ بِهِ عَرَضًا مِنَ الدُّنْيَا لَمْ يَجِدْ عَرْفَ الْجَنَّةِ يَوْمَ الْقِيَامَةِ» يَعْنِي رِيحَهَا.

Ang saling ito ay nangangailangan ng dagdag na pagrerepaso at pag-eeksakto..

Ayon kay Abū Hurayrah (malugod si Allāh sa kanya) na nagsabi: {Nagsabi ang Sugo ni Allāh (basbasan siya ni Allāh at pangalagaan):
"Ang sinumang nagpakatuto ng isang kaalamang kabilang sa hinahangad dito ang kaluguran ng mukha ni Allāh (kamahal-mahalan Siya at kapita-pitagan) — na hindi pala nagpapakatuto nito kundi upang magkamit siya sa pamamagitan nito ng isang mahihita mula sa Mundo — hindi makaamoy ng samyo ng Paraiso sa Araw ng pagbangon." Tumutukoy siya sa halimuyak nito.}

Tumpak Nagsalaysay nito sina Imām Abū Dāwud, Imām Ibnu Mājah, at Imām Aḥmad Sunan Abī Dāwud - 3664

Ang Pagbibigay-linaw

Naglinaw ang Propeta (basbasan siya ni Allāh at pangalagaan) na ang sinumang nagpakatuto ng kaalamang pangkapahayagan na ang orihinal na pakay rito ay ang pagkalugod ni Allāh (napakataas Siya), na hindi nagpapakatuto nito upang magkamit at magtamo sa pamamagitan nito na isang parte at isang natatamasa mula sa Mundo na yaman o reputasyon, hindi siya makatatagpo ng amoy ng Paraiso sa Araw ng Pagkabangon.

Ang mga Katuturan ng Ḥadīth

  1. Ang pagkakinakailangan ng pagpapakawagas sa paghahanap ng kaalaman at ang paghimok doon.
  2. Ang matinding pagbibigay-babala laban sa paggawa sa kaalamang pangkapahayagan bilang isang pagpapakitang-tao at isang kasangkapan para sa kamunduhan at na iyon ay kabilang sa malalaki sa mga pagkakasala.
  3. Na ang sinumang naghanap ng kaalaman alang-alang kay Allāh (napakataas Siya) at dumating sa kanya ang [kapakinabangan sa] Mundo bilang kasunod niyon, pinpayagan sa kanya ang pagkuha niyon at hindi nakapipinsala sa kanya iyon.
  4. Nagsabi si As-Sindīy: Ang sabi niya na: "samyo ng Paraiso", ang halimuyak, ay isang pagpapalabis sa pagkakait ng Paraiso dahil ang sinumang hindi makatatagpo ng amoy ng isang bagay ay hindi makapagtatamo nito.
  5. Ang sinumang nagpakatuto ng isang kaalamang kabilang sa hinahangad dito ang kaluguran ng mukha ni Allāh alang-alang sa empleyo o alang-alang sa mga iba pang pakay, tunay na kailangan sa kanya ang pagbabalik-loob kay Allāh mula roon. Si Allāh ay bubura sa kanya ng natamo mula sa tiwaling layunin. Si Allāh ay may kabutihang-loob na dakila (kaluwalhatian sa Kanya at napakataas Siya).
  6. Ang pagbibigay-babalang ito ay para sa tagahanap ng kaalamang pangkapahayagan. Hinggil naman sa sinumang naghanap ng kaalaman kabilang sa mga kaalaman ng Mundo alang-alang sa natatamasa sa Mundo gaya ng inhinyeriya, kimika, at iba pa sa mga ito alang-alang sa pakinabang sa Mundo, ukol sa kanya ang layunin niya.

Ang Paglalahad ng mga Salin

35 Ang Wika
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
PS پښتو بشتو
AS অসমীয়া الأسامية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ الكانادا
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية