Hadith: “ជនណាដែលប្រតិបត្តិសឡាតដូចការសឡាតរបស់ពួកយើង តម្រង់ទៅកាន់គិបឡាត់របស់ពួកយើង និងទទួលទានសត្វសំឡេះរបស់ពួកយើង ជននោះគឺជាជនមូស្លីមដែលទទួលបាននូវការធានាសុវត្ថិភាពពីអល់ឡោះ និងការធានាសុវត្ថិភាពពីអ្នកនាំសាររបស់ទ្រង់។ ហេតុនេះ ចូរពួកអ្នកកុំក្បត់អល់ឡោះចំពោះអ្នកដែលទទួលបានការធានាសុវត្ថិភាពអំពីទ្រង់។

عَنْ أَنَسِ بْنِ مَالِكٍ رَضيَ اللهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«مَنْ صَلَّى صَلاَتَنَا وَاسْتَقْبَلَ قِبْلَتَنَا وَأَكَلَ ذَبِيحَتَنَا فَذَلِكَ المُسْلِمُ الَّذِي لَهُ ذِمَّةُ اللَّهِ وَذِمَّةُ رَسُولِهِ، فَلاَ تُخْفِرُوا اللَّهَ فِي ذِمَّتِهِ».
[صحيح] - [رواه البخاري] - [صحيح البخاري: 391]

អំពី អាណាស ពិន ម៉ាលិក رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“ជនណាដែលប្រតិបត្តិសឡាតដូចការសឡាតរបស់ពួកយើង តម្រង់ទៅកាន់គិបឡាត់របស់ពួកយើង និងទទួលទានសត្វសំឡេះរបស់ពួកយើង ជននោះគឺជាជនមូស្លីមដែលទទួលបាននូវការធានាសុវត្ថិភាពពីអល់ឡោះ និងការធានាសុវត្ថិភាពពីអ្នកនាំសាររបស់ទ្រង់។ ហេតុនេះ ចូរពួកអ្នកកុំក្បត់អល់ឡោះចំពោះអ្នកដែលទទួលបានការធានាសុវត្ថិភាពអំពីទ្រង់។
[صحيح] - [رواه البخاري] - [صحيح البخاري - 391]

Explanation

ណាពី ﷺ លោកបានប្រាប់ថា ជនណាដែលប្រកាន់ខ្ជាប់នូវអត្តសញ្ញាណនៃសាសនាឥស្លាមផ្នែកខាងក្រៅ ដោយរូបគេប្រតិបត្តិសឡាតដូចការសឡាតរបស់ពួកយើង តម្រង់ទៅកាន់កាក់ហ្ពះដែលជាគិបឡាត់របស់ពួកយើង និងទទួលទានសត្វដែលពួកយើងបានសម្លាប់ ដោយយល់ថា វាត្រូវបានអនុញ្ញាត ជននោះគឺជាជនមូស្លីមដែលទទួលបាននូវការធានាសុវត្ថិភាព និងកិច្ចព្រៀមព្រៀងពីអល់ឡោះ និងអ្នកនាំសាររបស់ទ្រង់។ ហេតុនេះ ចូរពួកអ្នកកុំបំផ្លាញការធានាសុវត្ថិភាពរបសអល់ឡោះ និងកិច្ចព្រមព្រៀងរបស់ទ្រង់ចំពោះរូបគេ។

Benefits from the Hadith

1. អ៊ិពនូរ៉ហ្ជប់ បាននិយាយថា៖ ហាទីស្ហនេះជាភស្តុតាងបង្ហាញថា ឈាម(អាយុជីវិត)មិនត្រូវបានទទួលការការពារដោយគ្រាន់តែពោលពាក្យសក្ខីកម្ម(ស្ហាហាហ្ទះ)ទាំងពីរនោះឡើយ រហូតទាល់តែគេបានបំពេញនូវកាតព្វកិច្ចទាំងឡាយរបស់ពាក្យសក្ខីកម្មទាំងពីរនេះ ហើយកាតព្វកិច្ចដែលសំខាន់ជាងគេបំផុតរបស់ពាក្យទាំងពីរនេះ គឺសឡាត។ ហេតុនេះហើយទើបវាត្រូវបានរំលឹកជាពិសេស។ ហើយនៅក្នុងហាទីស្ហផ្សេងទៀត បន្ថែមពីលើសឡាតនេះដែរ គឺការបរិច្ចាគហ្សាកាត់។
2. កិច្ចការរបស់មនុស្ស គឺផ្អែកលើផ្នែកខាងក្រៅ(អ្វីដែលរូបគេស្តែងចេញមក) ពុំមែនផ្នែកខាងក្នុង(អ្វីដែលមាននៅក្នុងចិត្ត)នោះឡើយ។ ដូចនេះ ជនណាដែលបង្ហាញចេញមកនូវអត្តសញ្ញាឥស្លាមផ្នែកខាងក្រៅ គឺគេអនុវត្តតាមច្បាប់អ្នកឥស្លាមទៅលើជននោះ លុះត្រាតែមានអ្វីស្តែងចេញពីជននោះដែលបង្ហាញផ្ទុយពីនេះ។
3. អិពនូរ៉ហ្ជប់ បាននិយាយថា៖ ការលើកឡើងពីការតម្រង់ទិសគិបឡាត់ គឺបង្ហាញថា ចាំបាច់ត្រូវប្រតិបត្តិសឡាតដូចការសឡាតរបស់អ្នកមូស្លីមទាំងឡាយដែលត្រូវបានបង្គាប់ប្រើនៅក្នុងគម្ពីររបស់ពួកគេ(គម្ពីរគួរអាន)ដែលត្រូវបានបញ្ចុះទៅកាន់ណាពីរបស់ពួកគេ ពោលគឺសឡាតតម្រង់ទៅកាន់កាក់ហ្ពះ។ បើពុំនោះទេ អ្នកដែលសឡាតតម្រង់ទៅកាន់ពៃតុលមឹក្កទីស ក្រោយពីច្បាប់នេះត្រូវបាននិរាករណ៍ ដូចជាពួកយូដា ឬតម្រង់ទៅទិសខាងកើត ដូចជាពួកគ្រឹស្ទានជាដើម ជននោះពុំមែនជាអ្នកមូស្លីមឡើយ បើទោះបីជាគេទទួលស្គាល់ពាក្យសក្ខីកម្ម(ស្ហាហាហ្ទះ)ក៏ដោយ។
4. ហាទីស្ហនេះជាភស្តុតាងបង្ហាញពីភាពធំធេងនៃការតម្រង់ទៅកាន់គិបឡាត់ចំពោះការសឡាត ពីព្រោះគេមិនបានលើកឡើងពីលក្ខខណ្ឌ(ស្ហារ៉ាត់)ផ្សេងទៀតនៃសឡាតក្រៅពីវានោះឡើយ ដូចជាការជម្រះសម្អាតជាដើម។
5. អិពនូរ៉ហ្ជប់ បាននិយាយថា៖ ចំពោះការលើកឡើងរបស់លោកទាក់ទងនឹងការទទួលទានសត្វដែលអ្នកមូស្លីមសំឡេះ បង្ហាញថា ចាំបាច់លើរូបគេត្រូវប្រកាន់ខ្ជាប់នឹងច្បាប់បញ្ញត្តិឥស្លាមផ្នែកខាងក្រៅទាំងអស់ ហើយអ្វីដែលធំធេងជាងគេក្នុងចំណោមនោះ គឺការទទួលទានសត្វដែលសំឡេះដោយអ្នកមូស្លីម និងការឯកភាពរបស់ពួកគេចំពោះការសំឡេះសត្វទាំងនោះ។ ដូចនេះ ជនណាដែលបដិសេធនូវរឿងនោះ គេពុំមែនជាអ្នកមូស្លីមឡើយ។