Hadith: “ចូរពួកអ្នកកុំរារាំងទាសីរបស់អល់ឡោះទាំងឡាយពីម៉ាស្ជិត។ ក៏ប៉ុន្តែ ចូរឲ្យពួកនាងចាកចេញទៅដោយខ្លួនមិនមានក្លិនក្រអូប”។

عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«لَا تَمْنَعُوا إِمَاءَ اللَّهِ مَسَاجِدَ اللَّهِ، وَلَكِنْ لِيَخْرُجْنَ وَهُنَّ تَفِلَاتٌ».
[حسن] - [رواه أبو داود] - [سنن أبي داود: 565]

អំពី អាពូហ៊ូរ៉យរ៉ោះ رضي الله عنه ពិតណាស់រ៉ស៊ូលុលឡោះ ﷺ លោកបានមានប្រសាសន៍ថា៖
“ចូរពួកអ្នកកុំរារាំងទាសីរបស់អល់ឡោះទាំងឡាយពីម៉ាស្ជិត។ ក៏ប៉ុន្តែ ចូរឲ្យពួកនាងចាកចេញទៅដោយខ្លួនមិនមានក្លិនក្រអូប”។
[حسن] - [رواه أبو داود] - [سنن أبي داود - 565]

Explanation

ណាពី ﷺ បានហាមឃាត់អ្នកដែលជាអាណាព្យាបាលរបស់ស្ត្រី និងអ្នកដែលទទួលខុសត្រូវលើស្ត្រីមិនត្រូវរារាំងស្ត្រីមិនឲ្យទៅម៉ាស្ជិតនោះឡើយ ហើយលោកបានបង្គាប់ប្រើស្ត្រីទាំងឡាយឲ្យចាកចេញទៅដោយមិនត្រូវប្រើគ្រឿងក្រអូប និងបង្ហាញសម្រស់ដោយការតុបតែងកាយនោះឡើយ ព្រោះការធ្វើដូចនេះ គឺជាមូលហេតុមួយដែលនាំឲ្យមានភាពវឹកវរដល់បុរសទាំងឡាយ។

Benefits from the Hadith

1. អនុញ្ញាតឲ្យស្រ្តីអាចចេញទៅសឡាតនៅម៉ាស្ជិត បើកាលណាមានសុវត្ថិភាពពីភាពវឹកវរផ្សេងៗ ហើយត្រូវចេញទៅដោយមិនមានតុបតែងកាយ និងមិនប្រើប្រាស់គ្រឿងក្រអូប។
2. តាមរយៈហាទីស្ហនេះ គេអាចទាញជាភស្តុតាងបានថា ស្ត្រីមិនអាចចាកចេញពីផ្ទះស្វាមីរបស់ខ្លួនឡើយ លើកលែងតែមានការអនុញ្ញាតពីស្វាមី ពីព្រោះការបញ្ជាឱ្យផ្តល់ការអនុញ្ញាតគឺសំដៅទៅលើស្វាមី។
3. បង្ហាញពីការយកចិត្តទុកដាក់របស់សាសនាឥស្លាមចំពោះស្ត្រី ហើយមិនត្រូវរារាំងពួកនាងអំពីអ្វីដែលជាប្រការល្អសម្រាប់ពួកនាងនោះឡើយ ដូចជាចេញទៅស្វែងរកចំណេះវិជ្ជាជាដើម។
4. ទទួលស្គាល់នូវភាពជាអាណាព្យាបាល និងការគ្រប់គ្រងរបស់បុរសទៅលើស្ត្រី។