হাদীছ: তোমালোকে আল্লাহৰ বান্দীসকলক আল্লাহৰ ঘৰ মছজিদৰ পৰা বাধা প্ৰদান নকৰিবা। কিন্তু সিহঁতে ঘৰৰ পৰা বাহিৰলৈ ওলোৱাৰ সময়ত যাতে সুগন্ধি ব্যৱহাৰ নকৰে।
عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ:
«لَا تَمْنَعُوا إِمَاءَ اللَّهِ مَسَاجِدَ اللَّهِ، وَلَكِنْ لِيَخْرُجْنَ وَهُنَّ تَفِلَاتٌ».
[حسن] - [رواه أبو داود] - [سنن أبي داود: 565]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, ৰাছুলুল্লাহ চাল্লাল্লাহু আলাইহি অছাল্লামে কৈছেঃ
"তোমালোকে আল্লাহৰ বান্দীসকলক আল্লাহৰ ঘৰ মছজিদৰ পৰা বাধা প্ৰদান নকৰিবা। কিন্তু সিহঁতে ঘৰৰ পৰা বাহিৰলৈ ওলোৱাৰ সময়ত যাতে সুগন্ধি ব্যৱহাৰ নকৰে।"
[হাছান] - [(আবু দাঊদ)] - [ছুনান আবি দাঊদ - 565]
নবী চাল্লাল্লাহু আলাইহি অছাল্লামে নাৰীসকলৰ অভিভাৱকসকলক আৰু যিসকলে তেওঁলোকৰ চোৱাচিতাৰ দায়িত্বত আছে তেওঁলোকক নিষেধ কৰিছে যে, তেওঁলোকে যেন নাৰীসকলক মছজিদত যাবলৈ বাধা নিদিয়ে। লগতে তেখেতে নাৰীসকলক নিৰ্দেশনা দি কৈছে যে, তেওঁলোকে যেন ঘৰৰ পৰা ওলোৱাৰ সময়ত সৌন্দৰ্য্য প্ৰদৰ্শন কৰি আৰু সুগন্ধি ব্যৱহাৰ কৰি নোলায়। যাতে পুৰুষসকলৰ বাবে ফিতনাৰ কাৰণ নহয়।
হাদীছৰ পৰা সংগৃহীত উপকাৰিতাসমূহ
- ফিতনাৰ আশংকা নাথাকিলে আৰু নাৰীসকলে সৌন্দৰ্য্য আৰু সুগন্ধি ব্যৱহাৰ নকৰাকৈ যদি ঘৰৰ পৰা ওলায় তেন্তে নাৰীসকলে মছজিদত গৈ নামাজ আদায় কৰাৰ অনুমতি আছে।
- ইয়াৰ দ্বাৰা এইটোও প্ৰমাণিত হয় যে, স্ত্ৰীয়ে স্বামী গৃহৰ পৰা স্বামীৰ অনুমতি নোলোৱাকৈ ওলাব নোৱাৰে। কাৰণ হাদীছটোত স্বামীসকলক অনুমতি দিবলৈ নিৰ্দেশ দিয়া হৈছে।
- ইছলাম নাৰীসকলৰ প্ৰতি অত্যন্ত যত্নশীল। ইছলামে নাৰীসকলক এনেকুৱা কোনো কৰ্মৰ পৰা বাধা দিয়া নাই যিটো তেওঁলোকৰ বাবে উপকাৰী। উদাহৰণস্বৰূপে জ্ঞান অৰ্জন কৰা বা বেলেগ কোনো ভাল উদ্দেশ্যত বাহিৰলৈ যোৱা আদি।
- নাৰীসকলৰ ওপৰত পুৰুষসকলৰ কৰ্তৃত্ব আছে, নাৰীসকলৰ চোৱাচিতা আৰু ভৰণ পোষণ হৈছে পুৰুষৰ দায়িত্ব। এইটোৱে হৈছে তাৰ প্ৰমাণ।
শ্ৰেণীবিন্যাসসমূহ
অধিক
- হাদীছ: গোটেই পৃথিৱীয়ে হৈছে উপভোগৰ উপকৰণ (ভোগ-সামগ্ৰী), আৰু ইয়াত থকা উপভোগৰ উত্তম সম্পদটো হৈছে পূণ্যৱতী নাৰী।
- হাদীছ: নিশ্চয় পৃথিৱী হৈছে সুমধুৰ সেউজ-শ্যামল। এই কথাও নিশ্চিত যে, আল্লাহে তোমালোককে ইয়াৰ উত্তৰাধিকাৰী বনাইছে, যাতে তেওঁ তোমালোকক চাব পাৰে যে, তোমালোকে কেনেকুৱা আমল কৰা। গতিকে পাৰ্থিৱ বিষয় সম্পৰ্কে সতৰ্ক থাকিবা আৰু নাৰীৰ পৰাও সতৰ্ক থাকিবা।
- হাদীছ: স্বামী অথবা মাহৰাম (যাৰ লগত বিবাহ নিষিদ্ধ) অবিহনে কোনো নাৰীয়ে যেন দুদিনৰ দূৰত্বৰ ভ্ৰমণ নকৰে।
- হাদীছ: কোনো ঈমান্দাৰ পুৰুষে যেন কোনো ঈমান্দাৰ নাৰীক (স্ত্ৰীক) ঘৃণা নকৰে। কাৰণ যদি তেওঁ তাইৰ কোনো এটা আচৰণত অসন্তুষ্ট হয় তেন্তে তাইৰ আন এটা আচৰণত নিশ্চয় সন্তুষ্ট হ'ব।
- হাদীছ: তোমালোকে নাৰীসকলৰ ওচৰলৈ যোৱাৰ পৰা বিৰত থাকা।" এজন আনচাৰী ব্যক্তিয়ে সুধিলে, হে আল্লাহৰ ৰাছুল! দেৱৰ সম্পৰ্কে আপোনাৰ অভিমত কি? তেখেতে ক'লেঃ "দেৱৰ হৈছে মৃত্যু সমতুল্য"।
- হাদীছ: হে নাৰী সমাজ! তোমালোকে বেছি বেছি চাদাক্বাহ কৰা। কাৰণ জাহান্নামৰ অধিবাসীসকলৰ মাজত মই তোমালোকৰ সংখ্যা অধিক দেখিছোঁ।" তেতিয়া তেওঁলোকে সুধিলে, হে আল্লাহৰ ৰাছুল! ইয়াৰ কাৰণ কি? তেখেতে ক'লেঃ "কাৰণ তোমালোকে অভিশাপ বেছি দিয়া আৰু স্বামীৰ অকৃতজ্ঞ হোৱা। বুদ্ধি আৰু দ্বীনৰ ক্ষেত্ৰত ত্ৰুটি থকা সত্ত্বেও এজন সদায় সতৰ্ক থকা ব্যক্তিৰ বুদ্ধি হৰণৰ ক্ষেত্ৰত তোমালোকতকৈ পাৰদৰ্শী মই আন কাকো দেখা নাই।
- হাদীছ: ৰাছুলুল্লাহ চাল্লাল্লাহু আলাইহি অছাল্লামে সেই পুৰুষৰ প্ৰতি অভিসম্পাত কৰিছে, যিয়ে নাৰীৰ পোছাক পৰিধান কৰে। এইদৰে সেই নাৰীৰ প্ৰতিও অভিসম্পাত কৰিছে, যিয়ে পুৰুষৰ পোছাক পৰিধান কৰে।