ჰადისი: ქალი არ უნდა იმყოფებოდეს გლოვაში მიცვალებულზე სამ დღეზე მეტხანს, გარდა იმ შემთხვევისა, როცა გარდაცვლილია მისი ქმარი – ასეთ შემთხვევაში, იგი უნდა გლოვობდეს ოთხ თვესა და ათი დღის განმავლობაში

عَنْ أُمِّ عَطِيَّةَ رَضيَ اللهُ عنها أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«لَا تُحِدُّ امْرَأَةٌ عَلَى مَيِّتٍ فَوْقَ ثَلَاثٍ إِلَّا عَلَى زَوْجٍ أَرْبَعَةَ أَشْهُرٍ وَعَشْرًا، وَلَا تَلْبَسُ ثَوْبًا مَصْبُوغًا إِلَّا ثَوْبَ عَصْبٍ، وَلَا تَكْتَحِلُ، وَلَا تَمَسُّ طِيبًا إِلَّا إِذَا طَهُرَتْ نُبْذَةً مِنْ قُسْطٍ أَوْ أَظْفَارٍ».
[صحيح] - [متفق عليه] - [صحيح مسلم: 938]

უმმი ატიასგან (ალლაჰი იყოს მისით კმაყოფილი) გადმოსცემს, რომ ალლაჰის შუამავალმა (ალლაჰის ლოცვა და მშვიდობა მას) თქვა:
«ქალი არ უნდა იმყოფებოდეს გლოვაში მიცვალებულზე სამ დღეზე მეტხანს, გარდა იმ შემთხვევისა, როცა გარდაცვლილია მისი ქმარი – ასეთ შემთხვევაში, იგი უნდა გლოვობდეს ოთხ თვესა და ათი დღის განმავლობაში , მან არ უნდა ატაროს შეღებილი ტანსაცმელი, გარდა უხეში ქსოვილისგან დამზადებულისა, მან არ უნდა წაისვას თვალის სილამაზე, არ უნდა გამოიყენოს სურნელოვანი ნივთიერებები, გარდა მცირე რაოდენობის ყისტისა ან აყვავებული მცენარეული ნაზავისა, როცა ის განიწმინდება ქალთა წესიდან».
[სანდო (საჰიჰ)] - [შეთანხმებული] - [საჰიჰ მუსლიმ - 938]

განმარტება

ალლაჰის მოციქულმა (ალლაჰის ლოცვა და მშვიდობა მას) აუკრძალა ქალებს გლოვის გაჭიანურება, რაც გულისხმობს სილამაზისა და მორთულობის მიტოვებას, როგორიცაა სურნელოვანი ზეთები, თვალის შეღებვა, სამკაული და ლამაზი ტანსაცმელი, სამ დღეზე მეტ ხანს მიცვალებულზე, თუნდაც ეს იყოს მამა, ძმა, შვილი ან სხვა, გარდა ქმრისა – ასეთ შემთხვევაში, გლოვა უნდა გაგრძელდეს ოთხი თვისა და ათი დღის განმავლობაში, ქმრის გლოვის დროს ქალმა არ უნდა ატაროს შეღებილი და მორთული სამოსი, გარდა იმ ტანსაცმლისა, რომელიც დამზადებულია იემენური ქსოვილისგან, რომელიც შეღებილია ქსოვის წინ, ქალმა არ უნდა წაისვას ქუჰლი თვალის სილამაზისთვის და არ უნდა გამოიყენოს სურნელოვანი ნივთიერებები, დაშვებულია მხოლოდ მცირე რაოდენობის მცენარეული ნარევი ქალთა წესისგან განწმენდის შემდეგ, რომელიც გამოიყენება უსიამოვნო სუნის მოსაცილებლად, მაგრამ არა როგორც სუნამო. ეს დადგენილებები ქალის გლოვის წესრიგსა და ამქვეყნიურობასთან დროებითი განშორების სიმბოლოს წარმოადგენს, რაც ქმრის სიკვდილის შემდეგ მისი პატივისცემის გამოხატულებაა.

ჰადისის სარგებლობიდან

1. გლოვა ნიშნავს: სილამაზისა და იმ ყველაფრის დატოვებას, რაც ქორწინებისკენ მოწოდებას იწვევს, ქალი ვალდებულია, თავი შეიკავოს ყველა სახის სამკაულისგან, სურნელოვანი ზეთებისგან, ქუჰლისგან და მორთული ტანსაცმლის ტარებისგან.
2. ქალისათვის აკრძალულია გლოვის გაგრძელება მიცვალებულზე სამ დღეზე მეტხანს, გარდა ქმრისა.
3. ქმრის მაღალი სტატუსის გამოხატვა, რადგან მის გარდა არც ერთი მიცვალებულის გამო გლოვა არ გრძელდება სამ დღეზე მეტხანს.
4. სამი დღის ან ნაკლების გლოვის დაშვებულობა, რათა გულს ნუგეში მიეცეს და ტკივილი განიმუხტოს.
5. ქალი ვალდებულია, ქმრის გარდაცვალების შემდეგ გლოვა დაიცვას ოთხი თვე და ათი დღე, თუ ორსულად არ არის.
6. ქალისთვის დაშვებულია შეღებილი ტანსაცმლის ტარება, თუ ის არ არის სამკაულისა და მორთულობის მიზნით, და ამის განსაზღვრა დამოკიდებულია საზოგადოების ჩვეულებაზე.