Hadith: ពិតណាស់ណាពី ﷺ នៅពេលដែលលោកបញ្ជូនគាត់ទៅកាន់ប្រទេសយេមែន លោកបានប្រើគាត់ឲ្យដកហ្សាកាត់នៅរៀងរាល់គោសាមសិបក្បាល គឺត្រូវដកហ្សាកាត់គោឈ្មោលមួយក្បាល ឬគោញីមួយក្បាលដែលមានអាយុមួយឆ្នាំ និងរៀងរាល់សែសិបក្បាល គឺត្រូវដកហ្សាកាត់គោញីមួយក្បាលដែលមានអាយុពីរឆ្នាំ។

عَنْ مُعَاذٍ رَضِيَ اللَّهُ عَنْهُ:
أَنَّ النَّبِيَّ صَلَّى اللهُ عَلَيْهِ وَسَلَّمَ لَمَّا وَجَّهَهُ إِلَى الْيَمَنِ أَمَرَهُ أَنْ يَأْخُذَ مِنَ الْبَقَرِ مِنْ كُلِّ ثَلَاثِينَ تَبِيعًا أَوْ تَبِيعَةً، وَمِنْ كُلِّ أَرْبَعِينَ مُسِنَّةً، وَمِنْ كُلِّ حَالِمٍ -يَعْنِي مُحْتَلِمًا- دِينَارًا أَوْ عَدْلَهُ مِنَ المَعَافِرِ، ثِيَابٌ تَكُونُ بِالْيَمَنِ.
[صحيح بشواهده] - [رواه أبو داود والترمذي والنسائي وابن ماجه وأحمد] - [سنن أبي داود: 1576]

អំពី មូអាស رضي الله عنه
ពិតណាស់ណាពី ﷺ នៅពេលដែលលោកបញ្ជូនគាត់ទៅកាន់ប្រទេសយេមែន លោកបានប្រើគាត់ឲ្យដកហ្សាកាត់នៅរៀងរាល់គោសាមសិបក្បាល គឺត្រូវដកហ្សាកាត់គោឈ្មោលមួយក្បាល ឬគោញីមួយក្បាលដែលមានអាយុមួយឆ្នាំ និងរៀងរាល់សែសិបក្បាល គឺត្រូវដកហ្សាកាត់គោញីមួយក្បាលដែលមានអាយុពីរឆ្នាំ។ ហើយត្រូវយកពន្ធ(ជីហ្សយ៉ះ)មួយទីណើរពីរាល់អ្នកដែលគ្រប់អាយុ ឬយកជាអាវម៉ាអាហ្វីរីដែលមានតម្លៃស្មើនឹងមួយទីណើរ ដែលជាសម្លៀកបំពាក់អ្នកស្រុកយេមែន។
[صحيح بشواهده] - [رواه أبو داود والترمذي والنسائي وابن ماجه وأحمد] - [سنن أبي داود - 1576]

Explanation

ណាពី ﷺ បានបញ្ជូនមូអាស ពិន ជើហ្ពាល់ رضي الله عنه ទៅកាន់ប្រទេសយេមែនដើម្បីបង្រៀនមនុស្ស និងអំពាវនាវពួកគេ។ ក្នុងចំណោមបទបញ្ជាដែលណាពី ﷺ បានបង្គាប់ប្រើគាត់នោះ គឺលោកបានបង្គាប់ប្រើគាត់ឲ្យដកហ្សាកាត់ពីអ្នកមូស្លីមនៅរៀងរាល់គោសាមសិបក្បាល គឺត្រូវដកហ្សាកាត់គោឈ្មោលមួយក្បាល ឬគោញីមួយក្បាលដែលមានអាយុមួយឆ្នាំ និងរៀងរាល់គោសែសិបក្បាល គឺត្រូវដកហ្សាកាត់គោញីមួយក្បាលដែលមានអាយុពីរឆ្នាំ។ ហើយត្រូវយកពន្ធ(ជីហ្សយ៉ះ)ពីពួកអះលីគីតាបនៃពួកយូដា និងពួកគ្រឹស្ទានមួយទីណើរពីរាល់បុរសគ្រប់រូបដែលគ្រប់អាយុ ឬយកជាអាវម៉ាអាហ្វីរីដែលមានតម្លៃស្មើនឹងមួយទីណើរ ដែលជាសម្លៀកបំពាក់អ្នកស្រុកយេមែន។

Benefits from the Hadith

1. ពន្ធ(ជីហ្សយ៉ះ) គឺគេមិនយកពីអ្នកដែលមិនគ្រប់អាយុឡើយ ពីព្រោះលក្ខខណ្ឌអ្នកដែលគេមិនយកពន្ធ គឺអ្នកដែលច្បាប់មិនអនុញ្ញាតឲ្យសម្លាប់នៅពេលដែលចាប់ជាឈ្លើយសឹកបាន ដូចជាកុមារ និងស្ត្រីជាដើម។
2. បរិមាណនៃការយកពន្ធ គឺអាស្រ័យលើការយល់ឃើញរបស់ថ្នាក់ដឹកនាំ ព្រោះការយកពន្ធ គឺមានលក្ខណៈខុសគ្នាទៅតាមសម័យកាល និងទីកន្លែង អ្នកមាន និងអ្នកក្រ។ ភស្តុតាងដែលបញ្ជាក់ដូចនេះ គឺណាពី ﷺ លោកបានកំណត់វាចំពោះប្រជាជនយេមែន ដោយលោកបានមានប្រសាសន៍ទៅកាន់មូអាសថា៖ “ហើយចូរអ្នកយកពន្ធមួយទីណើរពីរាល់អ្នកដែលគ្រប់អាយុ” ខណៈដែលអ៊ូមើរ رضي الله عنه បានបន្ថែមបរិមាណពន្ធនេះនៅពេលដែលគាត់បានកំណត់ចំពោះប្រជាជនស្ហាម។
3. យកចិត្តទុកដាក់ចំពោះការប្រមូលហ្សាកាត់ ហើយត្រូវប្រគល់ភារកិច្ចឲ្យមានអ្នកប្រមូលហ្សកាត់ពីសំណាក់ថ្នាក់ដឹកនាំ។
4. “التبيع” គឺសំដៅលើសត្វគោដែលមានអាយុមួយឆ្នាំឈានចូលឆ្នាំទីពីរ។ គេឲ្យឈ្មោះវាថា “التبيع” ព្រោះវានៅតាមមេវានៅឡើយ។
5. ទីណើរ គឺសំដៅលើរូបិយប័ណ្ណមាស។ ចំពោះទីណើរឥស្លាម ១ទីណើរ គឺមានទម្ងន់ ៤.២៥ក្រាមមាស។