1. ទំព័រ​ដេីម
  2. បញ្ជីទាំងអស់
  3. Jurisprudence and Juristic Principles

ហាទីស្ហ “ចូរពួកនាងងូតទឹកឲ្យនាងចំនួនបីដង ឬប្រាំដង ឬច្រើនជាងនេះ ប្រសិនបើពួកនាងយល់ឃើញដូច្នោះដោយទឹកលាយស្លឹកពុទ្រា។ ហើយនៅក្នុងការងូតទឹកចុងក្រោយ ចូរពួកនាងដាក់នូវកាហ្វូរ ឬអ្វីមួយពីកាហ្វូរ។ នៅពេលដែលពួកនាងរួចរាល់ សូមពួកនាងប្រាប់ខ្ញុំផង”។

عَنْ أُمِّ عَطِيَّةَ رَضيَ اللهُ عنها قَالَتْ:
تُوُفِّيَتْ إِحْدَى بَنَاتِ النَّبِيِّ صَلَّى اللهُ عَلَيْهِ وَسَلَّمَ، فَخَرَجَ النَّبِيُّ صَلَّى اللهُ عَلَيْهِ وَسَلَّمَ فَقَالَ: «اغْسِلْنَهَا ثَلاَثًا، أَوْ خَمْسًا أَوْ أَكْثَرَ مِنْ ذَلِكَ، إِنْ رَأَيْتُنَّ بِمَاءٍ وَسِدْرٍ، وَاجْعَلْنَ فِي الآخِرَةِ كَافُورًا -أَوْ شَيْئًا مِنْ كَافُورٍ-، فَإِذَا فَرَغْتُنَّ فَآذِنَّنِي»، قَالَتْ: فَلَمَّا فَرَغْنَا آذَنَّاهُ، فَأَلْقَى إِلَيْنَا حِقْوَهُ، فَقَالَ: «أَشْعِرْنَهَا إِيَّاهُ»، وَقَالَتْ: وَجَعَلْنَا رَأْسَهَا ثَلاَثَةَ قُرُونٍ.

អំពី អ៊ុមមូអាទីយ៉ះ رضي الله عنها បាននិយាយថា៖
កូនស្រីម្នាក់របស់ណាពី ﷺ បានទទួលមរណភាព។ ណាពី ﷺ បានចេញមក ហើយបានមានប្រសាសន៍ថា៖ “ចូរពួកនាងងូតទឹកឲ្យនាងចំនួនបីដង ឬប្រាំដង ឬច្រើនជាងនេះ ប្រសិនបើពួកនាងយល់ឃើញដូច្នោះដោយទឹកលាយស្លឹកពុទ្រា។ ហើយនៅក្នុងការងូតទឹកចុងក្រោយ ចូរពួកនាងដាក់នូវកាហ្វូរ ឬអ្វីមួយពីកាហ្វូរ។ នៅពេលដែលពួកនាងរួចរាល់ សូមពួកនាងប្រាប់ខ្ញុំផង”។ គាត់បាននិយាយថា៖ នៅពេលដែលពួកយើងរួចរាល់ ពួកយើងក៏បានប្រាប់លោក។ ពេលនោះ លោកបានហុចសារុងរបស់លោកឲ្យពួកយើង ហើយលោកបានមានប្រសាសន៍ថា៖ “ចូរពួកនាងរុំសពនាងនឹងសារុងនេះដោយដាក់ជាប់នឹងខ្លួននាង”។ គាត់បាននិយាយទៀតថា៖ ហើយពួកយើងបានក្រងសក់របស់នាងជាបីកម្រង។

صحيح متفق عليه صحيح البخاري - 1258

ពន្យល់

ហ្សៃណាប់ កូនស្រីរបស់ណាពី ﷺ បានទទួលមរណភាព។ ណាពី ﷺ លោកបានចូលទៅជួបនឹងក្រុមស្ត្រីដែលនឹងងូតទឹកសពកូនស្រីរបស់លោក ហើយបានមានប្រសាសន៍ទៅកាន់ពួកនាងថា៖ ចូរពួកនាងងូតទឹកឲ្យនាងដោយទឹកលាយស្លឹកពុទ្រាចំនួនបីដង ឬប្រាំដង ឬច្រើនជាងនេះ ប្រសិនបើចាំបាច់ត្រូវធ្វើដូច្នោះ។ ហើយនៅក្នុងការងូតទឹកចុងក្រោយ ចូរពួកនាងដាក់អ្វីមួយអំពីកាហ្វូរ(ចូលក្នុងទឹកនោះ)ផង។ នៅពេលណាដែលពួកនាងងូតទឹកឲ្យសពកូនស្រីខ្ញុំរួចរាល់ សូមពួកនាងប្រាប់ខ្ញុំផង។ នៅពេលដែលពួកនាងងូតទឹកឲ្យសពកូនស្រីរបស់ណាពី ﷺ រួចរាល់ ពួកនាងក៏បានជម្រាបប្រាប់លោក។ ពេលនោះ លោកបានឲ្យសារុងរបស់លោកទៅកាន់អ្នកដែលងូតទឹកសព ហើយលោកបានមានប្រសាសន៍ថា៖ ចូរពួកនាងរុំសពនាងនឹងសារុងនេះចុះ ហើយដាក់វាជាក្រណាត់ដែលរុំជាប់នឹងខ្លួននាង។ ក្រោយមក គេបានក្រងសក់របស់នាងជាបីកម្រង។

មេរៀនដែលទាញបានពីហាទីស្ហ

  1. ចាំបាច់ងូតទឹកឲ្យសពអ្នកមូស្លីម ហើយវាជាហ្វើរទូគីហ្វាយ៉ះ។
  2. សពស្ត្រីត្រូវងូតទឹកដោយក្រុមស្ត្រី ហើយសពបុរសត្រូវងូតទឹកដោយក្រុមបុរស លើកលែងតែរវាងប្តីប្រពន្ធ និងទាសីជាមួយនឹងចៅហ្វាយរបស់ខ្លួន គឺអាចងូតទឹកឲ្យគ្នាបាន។
  3. ត្រូវងូតទឹកឲ្យសពចំនួនបីដង។ ប្រសិនបើមិនគ្រប់គ្រាន់ទេ ត្រូវងូតចំនួនប្រាំដង ហើយប្រសិនបើមិនគ្រប់គ្រាន់ទៀត គឺគេអាចបន្ថែមចំនួនដងនៃការងូតបានអាស្រ័យទៅតាមតម្រូវការ និងភាពចាំបាច់។ បន្ទាប់ពីនោះមក ប្រសិនបើមានភាពកខ្វក់ណាមួយចេញពីខ្លួនសព គឺត្រូវទប់កន្លែងនោះកុំឲ្យវាចេញមកទៀត។
  4. អ្នកងូតទឹកឲ្យសពត្រូវបញ្ចប់ការងូតទឹករបស់ខ្លួនត្រឹមចំនួនសេស គឺបីដង ប្រាំដង ឬប្រាំពីរដង។
  5. អាស្ស៊ិនទី បាននិយាយថា៖ ហាទីស្ហនេះបង្ហាញថា គ្មានចំនួនកំណត់ជាក់លាក់សម្រាប់ការងូតទឹកឲ្យសពឡើយ។ ផ្ទុយទៅវិញ អ្វីដែលគេទាមទារ គឺធ្វើយ៉ាងណាឲ្យជ្រះស្អាត ហើយត្រូវគិតលើចំនួនសេស។
  6. ត្រូវងូតទឹកសពដោយទឹកដែលលាយនឹងស្លឹកពុទ្រា ព្រោះវាជួយសម្អាត និងជួយឲ្យរាងកាយសពនៅស្រស់។
  7. គេដាក់គ្រឿងក្រអូបឲ្យសពនៅក្នុងការងូតទឹកលើកចុងក្រោយដើម្បីកុំឲ្យវាហូរបាត់ទៅតាមទឹក ហើយគ្រឿងក្រអូបនោះ គួរតែជាកាហ្វូរ ពីព្រោះ(ក្រៅពីមានក្លិនក្រអូប)វាជួយឲ្យសពនៅស្រស់។ ដូចនេះ សពមិនឆាប់ខូចឡើយ។
  8. ចាប់ផ្តើមងូតពីអវយវៈដែលមានភាពខ្ពង់ខ្ពស់មុន ពោលគឺផ្នែកខាងស្តាំ និងអវយវៈដែលត្រូវយកវូហ្ទុ។
  9. បើសពនោះជាស្ត្រី ស៊ូណិតស្រាយសក់ ហើយក្រងវាជាបីកម្រងដោយក្រងដាក់ទៅខាងក្រោយ។
  10. អនុញ្ញាតឲ្យសហការគ្នានៅក្នុងការងូតទឹកសព ប៉ុន្តែត្រូវចូលរួមតែអ្នកដែលមានភារកិច្ចប៉ុណ្ណោះ។
  11. គេអាចយកពរជ័យ(យកហ្ពារ៉កាត់)ពីស្លាកស្នាមឬកេរដំណែលរបស់ណាពី ﷺ ដូចជាសម្លៀកបំពាក់របស់លោកជាដើម ហើយនេះជាករណីពិសេសសម្រាប់តែលោកប៉ុណ្ណោះដោយគេមិនអាចធ្វើបែបនេះចំពោះអ្នកចេះដឹង និងកុសលបុគ្គលឬមនុស្សល្អផ្សេងទៀតបានឡើយ ពីព្រោះទាំងនេះ គឺជាប្រការតាវគីហ្វីយ៉ះ(ដែលត្រូវបានកំណត់ដោយផ្អែកលើភស្តុតាងនៃច្បាប់) ហើយសហាហ្ពាត់ទាំងឡាយក៏មិនដែលធ្វើបែបនេះជាមួយនឹងអ្នកផ្សេងក្រៅពីលោកនោះដែរ និងដោយសារតែការយកពរជ័យពីអ្នកផ្សេងក្រៅពីណាពី ﷺ គឺជាផ្លូវឆ្ពោះទៅកាន់ប្រការស្ហ៊ីរិក ព្រមទាំងបង្កជាភាពវឹកវរដល់អ្នកដែលគេយកពរជ័យ(យកហ្ពារ៉កាត់)ពីខ្លួន។
  12. អនុញ្ញាតឲ្យប្រគល់ការងារដែលខ្លួនត្រូវទទួលខុសត្រូវឲ្យទៅអ្នកដទៃបាន ប្រសិនបើអ្នកនោះជា មនុស្សស្មោះត្រង់គួរឲ្យទុកចិត្ត ហើយមានលក្ខណៈសម្បត្តិគ្រប់គ្រាន់ដើម្បីធ្វើកិច្ចការនោះ។

បង្ហាញការបកប្រែ

33 ភាសា
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TH ไทย التايلندية
AS অসমীয়া الأسامية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
HU Magyar المجرية
KN ಕನ್ನಡ الكانادا
KA ქართული الجورجية
MK Македонски المقدونية
PA ਪੰਜਾਬੀ البنجابية
MR मराठी الماراثية