Hadith: នៅពេលដែលរ៉ស៊ូលុលឡោះ ﷺ សូត្រថា៖ “سَمِعَ اللَّهُ لِمَنْ حَمِدَهُ” គ្មាននរណាម្នាក់ក្នុងចំណោមពួកយើងបន្អោនខ្នង(ចុះទៅស៊ូជោត)ឡើយ រហូតទាល់តែណាពី ﷺ ចុះទៅស៊ូជោតជាមុនសិន។ បន្ទាប់មក ទើបពួកយើងចុះទៅស៊ូជោតបន្ទាប់ពីលោក។

عَنْ عَبْدِ اللَّهِ بْنِ يَزِيدَ الخَطْمِيِّ قَالَ: حَدَّثَنِي البَرَاءُ وَهُوَ غَيْرُ كَذُوبٍ، قَالَ:
كَانَ رَسُولُ اللَّهِ صَلَّى اللهُ عَلَيْهِ وَسَلَّمَ إِذَا قَالَ: سَمِعَ اللَّهُ لِمَنْ حَمِدَهُ، لَمْ يَحْنِ أَحَدٌ مِنَّا ظَهْرَهُ حَتَّى يَقَعَ النَّبِيُّ صَلَّى اللهُ عَلَيْهِ وَسَلَّمَ سَاجِدًا، ثُمَّ نَقَعُ سُجُودًا بَعْدَهُ.
[صحيح] - [متفق عليه] - [صحيح البخاري: 690]

អំពី អាប់ទុលឡោះ ពិន យ៉ាហ្ស៊ីទ អាល់ខត់មី បាននិយាយថា៖ អាល់ហ្ពារ៉ក បាននិយាយប្រាប់ខ្ញុំ ខណៈដែលគាត់មិនមែនជាមនុស្សកុហកនោះឡើយថា៖
នៅពេលដែលរ៉ស៊ូលុលឡោះ ﷺ សូត្រថា៖ “سَمِعَ اللَّهُ لِمَنْ حَمِدَهُ” គ្មាននរណាម្នាក់ក្នុងចំណោមពួកយើងបន្អោនខ្នង(ចុះទៅស៊ូជោត)ឡើយ រហូតទាល់តែណាពី ﷺ ចុះទៅស៊ូជោតជាមុនសិន។ បន្ទាប់មក ទើបពួកយើងចុះទៅស៊ូជោតបន្ទាប់ពីលោក។
[صحيح] - [متفق عليه] - [صحيح البخاري - 690]

Explanation

អាល់ហ្ពារ៉ក ពិន អាហ្ស៊ិប ដែលជាមនុស្សទៀងត្រង់ម្នាក់បានប្រាប់ថា កាលណាណាពី ﷺ ងើបក្បាលពីរូកុ ហើយសូត្រថា៖ “سَمِعَ اللَّهُ لِمَنْ حَمِدَهُ” អ្នកដែលនៅពីក្រោយលោក គឺនៅបន្តឈរដោយគ្មាននរណាម្នាក់លំឱនកាយចុះទៅស៊ូជោតឡើយ រហូតទាល់តែណាពី ﷺ ដាក់ថ្ងាសរបស់លោកដល់ដីសិន។ បន្ទាប់មក ទើបពួកគេលំឱនកាយចុះទៅស៊ូជោតតាមលោក។

Benefits from the Hadith

1. បញ្ជាក់ពីលក្ខណៈនៃការធ្វើតាមរ៉ស៊ូលុលឡោះ ﷺ របស់បណ្តាសហាហ្ពាត់ក្នុងពេលសឡាត។ ពិតណាស់ ពួកគេមិនផ្លាស់ប្តូរឥរិយាបថពីឈរទៅស៊ូជោតឡើយ រហូតទាល់តែរ៉ស៊ូលុលឡោះ ﷺ បានស៊ូជោត(ដាក់ក្បាលដល់ដី)។
2. អ៊ិពនូ ទើគីគុលអ៊ីទ បាននិយាយថា៖ នេះជាភស្តុតាងបង្ហាញពីការមានលំនឹង(តម៉ាក់នីណះ)យ៉ាងយូររបស់ណាពី ﷺ។
3. ស្ថានភាពរបស់ម៉ាក់មុមជាមួយនឹងអ៊ីម៉ាំមានបួនករណី៖ ១. ប្រជែងនឹងអ៊ីម៉ាំ៖ ពោលគឺចាប់ផ្តើមធ្វើអ្វីមួយមុនអ៊ីម៉ាំរបស់ខ្លួនដោយម៉ាក់មុមនោះផ្លាស់ប្តូរទៅកាន់រូកុនបន្ទាប់មុននឹងអ៊ីម៉ាំទៅដល់។ ឧទាហរណ៍ដូចជា ម៉ាក់មុមនោះរូកុមុននឹងអ៊ីម៉ាំរូកុ ឬក៏ស៊ូជោតមុននឹងអ៊ីម៉ាំបានស៊ូជោត។ ករណីនេះគឺត្រូវបានហាមឃាត់(ហារ៉ាំ)។ ប្រសិនបើម៉ាក់មុមនោះមានចេតនាប្រជែងនឹងអ៊ីម៉ាំទាំងដែលខ្លួនដឹងថា ការធ្វើដូចនេះត្រូវបានហាមឃាត់ ការសឡាតរបស់គេនឹងត្រូវខូច(ចាត់ទុកជាមោឃៈ) ទោះបីជាគេបានធ្វើរូកុននោះមុនអ៊ីម៉ាំ ឬប្រជែងគ្នាជាមួយអ៊ីម៉ាំក៏ដោយ។ ប្រសិនបើការធ្វើដូច្នោះកើតឡើងក្នុងពេលតឹកពៀរ៉តុលអៀហរ៉ម សឡាតនោះមិនត្រឹមត្រូវឡើយ ចាំបាច់លើគេត្រូវសឡាតសាថ្មីឡើងវិញ។ ២. ធ្វើព្រមគ្នានឹងអ៊ីម៉ាំ៖ ពោលគឺគេធ្វើកាយវិការផ្សេងៗស្មើគ្នា ព្រមគ្នានឹងអ៊ីម៉ាំ រូកុព្រមគ្នានឹងអ៊ីម៉ាំរូកុ ស៊ូជោតព្រមគ្នានឹងអ៊ីម៉ាំស៊ូជោត និងក្រោកឈរឡើងព្រមគ្នានឹងអ៊ីម៉ាំក្រោកឈរ។ កម្រិតទាបបំផុតនៃការធ្វើបែបនេះ គឺមិនល្អ(ម៉ាក្រុះ) ហើយភស្តុតាងច្បាស់ៗជាច្រើនបញ្ជាក់ថា វាក៏ជាប្រការដែលគេហាមឃាត់(ហារ៉ាំ)ដែរ។ បើកាលណាម៉ាក់មុមធ្វើព្រមគ្នានឹងអ៊ីម៉ាំក្នុងពេលតឹកពៀរ៉តុលអៀហរ៉ម សឡាតនោះមិនត្រឹមត្រូវឡើយ ចាំបាច់លើគេត្រូវសឡាតសាថ្មីឡើងវិញ។ ៣. ធ្វើជាបន្តបន្ទាប់តាមអ៊ីម៉ាំ៖ ពោលគឺគេធ្វើកាយវិការណាមួយនៃសឡាតជាបន្តបន្ទាប់តាមអ៊ីម៉ាំរបស់ខ្លួនដោយមិនពន្យារពេលឡើយ។ នេះជាអ្វីដែលគេបង្គាប់ប្រើ ហើយក៏ស្របនឹងស៊ុណ្ណះផងដែរ។ ៤. យឺតយូរក្នុងការធ្វើតាមអ៊ីម៉ាំ៖ ពោលគឺគេយឺតយូរក្នុងការធ្វើតាមអ៊ីម៉ាំរបស់ខ្លួនដែលធ្វើឲ្យគេចេញផុតពីការធ្វើតាមអ៊ីម៉ាំ ដូចជា អ៊ីម៉ាំបានរូកុ តែម៉ាក់មុមនៅបន្តឈរនៅឡើយ រហូតទាល់តែអ៊ីម៉ាំជិតងើបពីរូកុវិញ។ ការធ្វើដូចនេះ គឺផ្ទុយពីអ្វីដែលច្បាប់បង្គាប់ប្រើ ហើយវាក៏ត្រូវបានហាមឃាត់(ហារ៉ាំ)ផងដែរ លើកលែងតែអ្នកដែលមានឧបសគ្គ ដូចជាអ្នកជំងឺ និងមនុស្សចាស់ជាដើម។