Хадис: ‚Ако сакате, ќе ви дадам – но во неа нема удел за богат човек, ниту за силен кој може да заработува.‘“

عَنْ عُبَيْدِ اللَّهِ بْنِ عَدِيِّ بْنِ الخِيَارِ قَالَ:
أَخْبَرَنِي رَجُلَانِ أَنَّهُمَا أَتَيَا النَّبِيَّ صَلَّى اللهُ عَلَيْهِ وَسَلَّمَ فِي حَجَّةِ الوَدَاعِ وَهُوَ يُقَسِّمُ الصَّدَقَةَ، فَسَأَلَاهُ مِنْهَا، فَرَفَّعَ فِينَا البَصَرَ وَخَفَّضَهُ، فَرَآنَا جَلْدَيْنِ، فَقَالَ: «إِنَّ شِئْتُمَا أَعْطَيْتُكُمَا، وَلَا حَظَّ فِيهَا لِغَنِيٍّ، وَلَا لِقَوِيٍّ مُكْتَسِبٍ».
[صحيح] - [رواه أبو داود والنسائي] - [سنن أبي داود: 1633]

Убејдулах бин Ади бин ел-Хијар раскажува:
„Двајца мажи ми кажаа дека дошле кај Пратеникот, салаллаху алејхи ве селем, за време на прошталниот аџилак, кога тој ја делеше садаката, и го замолиле да им даде нешто од неа. Пратеникот, салаллаху алејхи ве селем, ги погледнал одозгора па надолу и забележал дека се здрави и силни. Па им рекол: ‚Ако сакате, ќе ви дадам – но во неа нема удел за богат човек, ниту за силен кој може да заработува.‘“
[صحيح] - - [سنن أبي داود - 1633]

Објаснување

Двајца мажи дошле кај Пратеникот, салаллаху алејхи ве селем, на прошталниот аџилак, во време кога ја делел садаката, и побарале од него да им даде нешто од неа.
Пратеникот, салаллаху алејхи ве селем, повеќепати ги погледнал за да ја согледа нивната состојба – дали имаат право на садака или не. Кога видел дека двајцата се силни луѓе, им рекол: „Ако сакате, ќе ви дадам од садаката. Но во неа нема удел за оној што има имот доволен за своја издршка, ниту за оној што е способен да работи и да заработува – дури и ако во моментот нема имот со кој би се сметал за богат.“

من فوائد الحديث

1. Забрана за барање садака од страна на богат човек или силен кој може да заработува.
2. Основното правило за оној за кого не е познато дека има имот, е дека се смета за сиромав и заслужува садака.
3. Самата сила (способност) не значи дека човекот нема право на садака – туку неопходно е таа да биде придружена со способност за заработка.
4. Оној што е способен да заработува доволно за својата издршка, не смее да зема од задолжителната садака (зекат) – затоа што со својата работа има издршка, како што богатиот има издршка со својот имот.
5. Ова е дел од инспиративното воспитување на Пратеникот, салаллаху алејхи ве селем – со кое ја гради муслиманската личност како достоинствена и самостојна, која тежнее кон давање и дарежливост, а не кон просење, примање и мрзеливост.