Hadith: “ប្រសិនបើអ្នកទាំងពីរចង់បាន ខ្ញុំនឹងឲ្យអ្នកទាំងពីរ។ គ្មានសំណាងទទួលបានទ្រព្យបរិច្ចាគឡើយចំពោះអ្នកមាន ហើយក៏គ្មានសំណាងទទួលបានទ្រព្យបរិច្ចាគនោះដែរអ្នកដែលមានកម្លាំងពេញលេញអាចរកស៊ីបាន”។

عَنْ عُبَيْدِ اللَّهِ بْنِ عَدِيِّ بْنِ الخِيَارِ قَالَ:
أَخْبَرَنِي رَجُلَانِ أَنَّهُمَا أَتَيَا النَّبِيَّ صَلَّى اللهُ عَلَيْهِ وَسَلَّمَ فِي حَجَّةِ الوَدَاعِ وَهُوَ يُقَسِّمُ الصَّدَقَةَ، فَسَأَلَاهُ مِنْهَا، فَرَفَّعَ فِينَا البَصَرَ وَخَفَّضَهُ، فَرَآنَا جَلْدَيْنِ، فَقَالَ: «إِنَّ شِئْتُمَا أَعْطَيْتُكُمَا، وَلَا حَظَّ فِيهَا لِغَنِيٍّ، وَلَا لِقَوِيٍّ مُكْتَسِبٍ».
[صحيح] - [رواه أبو داود والنسائي] - [سنن أبي داود: 1633]

អំពី អ៊ូពៃទុលឡោះ ពិន អាទី ពិន អាល់ឃីយ៉ារ បាននិយាយថា៖
មានបុរសពីរនាក់បានប្រាប់ខ្ញុំថា ជាការពិតណាស់ ពួកគេទាំងពីរបានទៅជួបណាពី ﷺ ក្នុងពេលធ្វើហាជ្ជីលា ខណៈដែលលោកកំពុងបែងចែកទ្រព្យបរិច្ចាគ។ គេទាំងពីរនាក់បានសុំចំណែកអំពីទ្រព្យនោះពីលោក។ លោកបានមើលចុះមើលឡើងមកកាន់ពួកយើង ហើយលោកបានឃើញថា ពួកយើងទាំងពីរជាមនុស្សដែលមានកម្លាំងរឹងមាំ។ ពេលនោះ លោកបានមានប្រសាសន៍ថា៖ “ប្រសិនបើអ្នកទាំងពីរចង់បាន ខ្ញុំនឹងឲ្យអ្នកទាំងពីរ។ គ្មានសំណាងទទួលបានទ្រព្យបរិច្ចាគឡើយចំពោះអ្នកមាន ហើយក៏គ្មានសំណាងទទួលបានទ្រព្យបរិច្ចាគនោះដែរអ្នកដែលមានកម្លាំងពេញលេញអាចរកស៊ីបាន”។
[صحيح] - [رواه أبو داود والنسائي] - [سنن أبي داود - 1633]

Explanation

មានបុរសពីរនាក់បានទៅជួបណាពី ﷺ ក្នុងពេលធ្វើហាជ្ជីលា(حجة الوداع) ខណៈដែលលោកកំពុងបែងចែកទ្រព្យបរិច្ចាគ ហើយគេទាំងពីរនាក់បានសុំនូវចំណែកទ្រព្យនោះពីលោក។ ណាពី ﷺ បានសម្លឹងមើលចុះឡើងទៅកាន់គេទាំងពីរដើម្បីឲ្យបានដឹងពីស្ថានភាពរបស់គេទាំងពីរ ហើយតើគេទាំងពីរអាចទទួលទ្រព្យបរិច្ចាគបានដែរឬទេ? ពេលនោះ លោកបានឃើញថា ពួកទាំងពីរជាមនុស្សដែលមានកម្លាំងរឹងមាំ។ លោកក៏បានមានប្រសាសន៍ថា៖ ប្រសិនបើអ្នកទាំងពីរចង់បាន ខ្ញុំនឹងឲ្យអ្នកទាំងពីរនូវចំណែកអំពីទ្រព្យបរិច្ចាគនេះ។ ក៏ប៉ុន្តែចំពោះអ្នកដែលមានទ្រព្យសម្បត្តិគ្រប់គ្រាន់ គឺគ្មានចំណែកទទួលបានទ្រព្យបរិច្ចាគឡើយ ហើយអ្នកដែលមានកម្លាំងពេញលេញអាចរកស៊ីបានក៏គ្មានចំណែកទទួលបានទ្រព្យបរិច្ចាគនោះដែរ បើទោះបីជាគេពុំមានទ្រព្យច្រើនដែលចាត់ទុកថាជាអ្នកមានក៏ដោយ។

Benefits from the Hadith

1. ហាមឃាត់អ្នកមានទ្រព្យ និងអ្នកដែលមានកម្លាំងពេញលេញអាចរកស៊ីបានអំពីការសុំអ្នកដទៃ។
2. ជាគោលការណ៍ ចំពោះអ្នកដែលគេមិនដឹងថា តើជននោះមានទ្រព្យសម្បត្តិ ឬអត់ គឺត្រូវបានចាត់ទុកជាអ្នកក្រ ហើយមានសិទ្ធិទទួលទ្រព្យបរិច្ចាគ។
3. គ្រាន់តែមានកម្លាំងមាំមួន មិនមែនមានន័យថា ជននោះមិនមានសិទ្ធិទទួលទ្រព្យបរិច្ចាគនោះឡើយ។ ផ្ទុយទៅវិញ ចាំបាច់ត្រូវរួមផ្សំជាមួយនឹងសមត្ថភាពក្នុងការរកប្រាក់ចំណូលផងដែរ។
4. ចំពោះអ្នកដែលមានសមត្ថភាពអាចរកចំណូលបានគ្រប់គ្រាន់សម្រាប់តម្រូវការរបស់គេ គឺមិនអនុញ្ញាតឲ្យទទួលយកទ្រព្យបរិច្ចាគដែលជាកាតព្វកិច្ច(ហ្សាកាត់)នោះឡើយ ព្រោះតម្រូវការរបស់គេត្រូវបានបំពេញរួចហើយតាមរយៈការរកចំណូលនោះ ដូចជាស្ថានភាពរបស់អ្នកដែលមានទ្រព្យសម្បត្តិគ្រប់គ្រាន់ដែរ។
5. ការអប់រំដ៏ថ្លៃថ្លារបស់ណាពី ﷺ សម្រាប់បុគ្គលិកលក្ខណៈជនមូស្លីម គឺផ្តោតលើសេចក្ដីថ្លៃថ្នូររបស់ខ្លួនឯង និងការផ្តល់ឲ្យ ហើយមិនមែនជាការទទួលយក ការសុំ និងការខ្ជិលច្រអូសនោះទេ។