Hadith: ពិតណាស់ណាពី ﷺ លោកបានសរសេរសារទៅកាន់ស្តេចគីសរ៉ ស្តេចក័យសើរ ស្តេចណាជើស្ហ៊ី និងទៅកាន់រាល់អ្នកដែលកាន់កាប់អំណាចទាំងឡាយ ដោយអំពាវនាវស្តេចទាំងនោះទៅកាន់អល់ឡោះជាម្ចាស់

عَنْ أَنَسٍ رَضِيَ اللَّهُ عَنْهُ:
أَنَّ نَبِيَّ اللهِ صَلَّى اللهُ عَلَيْهِ وَسَلَّمَ كَتَبَ إِلَى كِسْرَى، وَإِلَى قَيْصَرَ، وَإِلَى النَّجَاشِيِّ، وَإِلَى كُلِّ جَبَّارٍ يَدْعُوهُمْ إِلَى اللهِ تَعَالَى، وَلَيْسَ بِالنَّجَاشِيِّ الَّذِي صَلَّى عَلَيْهِ النَّبِيُّ صَلَّى اللهُ عَلَيْهِ وَسَلَّمَ.
[صحيح] - [رواه مسلم] - [صحيح مسلم: 1774]

អំពី អាណាស رضي الله عنه
ពិតណាស់ណាពី ﷺ លោកបានសរសេរសារទៅកាន់ស្តេចគីសរ៉ ស្តេចក័យសើរ ស្តេចណាជើស្ហ៊ី និងទៅកាន់រាល់អ្នកដែលកាន់កាប់អំណាចទាំងឡាយ ដោយអំពាវនាវស្តេចទាំងនោះទៅកាន់អល់ឡោះជាម្ចាស់ តែពុំមែនជាស្តេចណាជើស្ហ៊ីដែលណាពី ﷺ លោកបានសឡាតសពឲ្យនោះទេ។
[صحيح] - [رواه مسلم] - [صحيح مسلم - 1774]

Explanation

អាណាស ពិន ម៉ាលិក رضي الله عنه បានប្រាប់ថា ជាការពិតណាស់ មុនពេលដែលណាពី ﷺ ទទួលមរណភាព លោកបានសរសេរសារទៅកាន់មហាក្សត្រទាំងឡាយដែលនៅជុំវិញដោយអំពាវនាវមហាក្សត្រទាំងនោះទៅកាន់សាសនាឥស្លាម។ លោកបានសរសេរសារទៅកាន់ស្តេចគីសរ៉(ជាគោរម្យងារស្តេចពែក្យ) ទៅកាន់ស្តេចក័យសើរ(ជាគោរម្យងារស្តេចរ៉ូម) និងទៅកាន់ស្តេចណាជើស្ហ៊ី(ជាគោរម្យងារស្តេចអេត្យូពី)។ ម្យ៉ាងទៀត លោកក៏បានសរសេរទៅកាន់រាល់ស្តេចនៃប្រជានុរាស្រ្តទាំងឡាយដែលនៅជុំវិញលោក ហើយអាណាស رضي الله عنه គាត់បានបញ្ជាក់ផងដែរថា ស្តេចណាជើស្ហ៊ីដែលណាពី ﷺ សរសេរសារទៅកាន់នោះ ពុំមែនជាស្តេចណាជើស្ហ៊ីដែលបានចូលឥស្លាម ក្រោយមក បានសុគត ហើយណាពី ﷺ លោកបានសឡាតលើសព(សឡាតហ្គអ៊ិប)ឲ្យនោះទេ។

Benefits from the Hadith

1. បង្គាប់ប្រើឲ្យធ្វើការអំពាវនាវអ្នកមិនមែនមូស្លីមទៅកាន់សាសនាឥស្លាម រួមទាំងមហាក្សត្រ និងមេដឹកនាំទាំងឡាយផងដែរ។
2. បង្គាប់ប្រើឲ្យបំពេញការងារដោយប្រើប្រាស់ការកត់ត្រា និងលិខិតស្នាមផ្សេងៗ។