1. ပင်မစာမျက်နှာ
  2. အမျိုးအစားများ
  3. ကျမ်းတော်မြတ်ကုရ်အာန်နှင့် ၎င်း၏ ပညာရပ်များ။

ဟဒီးဆ် ကုရ်အာန်ကျမ်းမြတ်ကို ဖတ်ရွတ်ကြလော့။ ဧကန်မလွဲ ယင်းကုရ်အာန်သည် ကိယာမတ်နေ့တွင် ၎င်းကို ဖတ်ရွတ်သူများအတွက် ကြားဝင်အသနားခံသူအဖြစ် ရောက်ရှိလာမည်

عن أبي أمامة الباهلي رضي الله عنه قال: سمعتُ رسول الله صلى الله عليه وسلم يقول:
«اقرؤوا القرآنَ فإنَّه يأتي يوم القيامة شَفِيعًا لأصحابه، اقرؤوا الزَّهرَاوَين البقرةَ وسورةَ آل عِمران، فإنهما تأتِيان يوم القيامة كأنهما غَمَامَتان، أو كأنهما غَيَايَتانِ، أو كأنهما فِرْقانِ من طَيْر صَوافٍّ، تُحاجَّان عن أصحابهما، اقرؤوا سورة البقرة، فإن أخذها بَرَكة، وتركها حَسْرة، ولا تستطيعها البَطَلَة».

ဤဘာသာပြန်ဆိုချက်ကို နောက်ထပ်သုံးသပ်ရန်နှင့် စစ်ဆေးရန်လိုအပ်သည်။.

အဗူအိုမာမဟ်အလ်ဗာဟိလီ(ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်ကို ကျွန်ုပ်ကြားသိခဲ့သည်။
ကုရ်အာန်ကျမ်းမြတ်ကို ဖတ်ရွတ်ကြလော့။ ဧကန်မလွဲ ယင်းကုရ်အာန်သည် ကိယာမတ်နေ့တွင် ၎င်းကို ဖတ်ရွတ်သူများအတွက် ကြားဝင်အသနားခံသူအဖြစ် ရောက်ရှိလာမည်။ အတ်ဇ်ဇဟ်ရာဝိုင်းန် (အလင်းရောင်နှစ်ခု)ဟုခေါ်သည့် စူရဟ်ဗကရဟ်နှင့် စူရဟ်အာလိအင်မ်ရားန် ကို ဖတ်ရွတ်ကြလော့။ ဧကန်စင်စစ် ထိုစူရဟ်နှစ်ခုသည် ကိယာမတ်နေ့တွင် မိုးတိမ်နှစ်ခုကဲ့သို့လည်းကောင်း၊ သို့မဟုတ် အရိပ်အာဝါသနှစ်ခုကဲ့သို့လည်းကောင်း၊ သို့မဟုတ် အုပ်စုဖွဲ့ပျံသန်းနေသော ငှက်အုပ်စုနှစ်စုကဲ့သို့လည်းကောင်း ရောက်ရှိလာပြီး ၎င်းစူရဟ်နှစ်ခုကို ဖတ်ရွတ်သူများအား ကာကွယ်စောင့်ရှောက်ကြမည်။ ထို့ပြင် စူရဟ်ဗကရဟ်ကို ဖတ်ရွတ်ကြလော့။ အဘယ်ကြောင့်ဆိုသော် ၎င်းကို ဖတ်ရွတ်ခြင်းသည် ဗရ်ကသ်ကောင်းခြင်းမင်္ဂလာတစ်ပါးဖြစ်၍ ၎င်းကို စွန့်လွှတ်ထားခြင်းသည် နောင်တရဖွယ်ဖြစ်ပြီး မှော်ပယောဂဆရာတို့သည် ၎င်းကို (ဖတ်ရွတ်သူအား) မည်သည့်အခါမျှ (အန္တရာယ်ပြုရန်)မစွမ်းဆောင်နိုင်ကြပေ။"

صحيح رواه مسلم صحيح مسلم - 804

ရှင်းလင်းချက်

တမန်တော်မြတ် (ဆွလ္လလ္လာဟုအလိုင်းဟိဝစလ္လမ်) သည် ကုရ်အာန်ကျမ်းမြတ်ကို အမြဲတစေပုံမှန်ဖတ်ရွတ်ရန် တိုက်တွန်းတော်မူခဲ့သည်။ အဘယ်ကြောင့်ဆိုသော် ကိယာမသ်နေ့တွင် ထိုကုရ်အာန်ကျမ်းမြတ်သည် ၎င်းအား ရွတ်ဖတ်သူနှင့် လိုက်နာကျင့်သုံးသူများအတွက် ကြားဝင်အသနားခံပေးမည်ဖြစ်သောကြောင့်ပင် ဖြစ်သည်။ ထို့နောက် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် စူရဟ်ဗကရဟ်နှင့် စူရဟ်အာလိအင်မ်ရာန် စူရဟ်နှစ်ခုကို ဖတ်ရွတ်ရန် အထူးအလေးထား တိုက်တွန်းတော်မူခဲ့ပြီး ထိုစူရဟ်နှစ်ခုအား အလင်းနှစ်ခုဟု အမည်ပေးတော်မူခဲ့သည်။ အဘယ်ကြောင့်ဆိုသော် ၎င်းစူရဟ်နှစ်ခုတွင် ပါဝင်သည့် အလင်းရောင်နှင့် လမ်းညွှန်မှုကြောင့်ဖြစ်ကာ ထိုစူရဟ်နှစ်ခုကို ဖတ်ရွတ်ခြင်း၊ ၎င်းတို့၏ အဓိပ္ပာယ်များကို ဆင်ခြင်သုံးသပ်ခြင်းနှင့် လိုက်နာကျင့်သုံးခြင်း၏အကျိုးကျေးဇူးသည် ကိယာမတ်နေ့တွင် တိမ်တိုက်နှစ်ခုကဲ့သို့ သို့မဟုတ် အတောင်ပံများဖြန့်ကာ တစ်အုပ်နှင့်တစ်အုပ် ဆက်စပ်နေသော ငှက်အုပ်နှစ်အုပ်ကဲ့သို့ လာရောက်ပြီး ထိုစူရဟ်နှစ်ခုကိုဖတ်ရွတ်ခဲ့သူအား အရိပ်အာဝါသပေးကာ ကာကွယ်စောင့်ရှောက်ပေးမည်ဖြစ်သည်။ ထို့နောက် တမန်တော်မြတ်သည် စူရဟ်ဗကရဟ်ကို အဆက်မပြတ်ဖတ်ရွတ်ရန်၊ ၎င်း၏အဓိပ္ပာယ်များကို ဆင်ခြင်သုံးသပ်ရန်နှင့် လိုက်နာကျင့်သုံးရန်ကို အလေးထား တိုက်တွန်းတော်မူခဲ့သည်။ ထိုသို့ပြုလုပ်ခြင်းအားဖြင့် လောကီနှင့် နောင်တမလွန်ဘဝ၌ ကောင်းချီးမင်္ဂလာနှင့် ကြီးမားသောအကျိုးကျေးဇူးများ ရရှိစေမည်ဖြစ်ပြီး၊ ၎င်းအားဖတ်ရွတ်ခြင်းမပြုဘဲစွန့်လွှတ်ခြင်းအားဖြင့် ကိယာမသ်နေ့တွင် နောင်တနှင့် ဝမ်းနည်းပူဆွေးမှုကို ဖြစ်စေမည်ဖြစ်သည်။ ဤစူရဟ်၏ အကျိုး ကျေးဇူးများအနက်တစ်ခုမှာ မှော်ပယောဂဆရာများသည် ထိုစူရဟ်ကို ဖတ်ရွတ်သူအား ဘေးအန္တရာယ်မပြုနိုင်ခြင်းပင်ဖြစ်သည်။

ဟဒီးဆ်မှ သိမှတ်ဖွယ်ရာများ

  1. ကုရ်အာန်ကျမ်းမြတ်အား များများရွတ်ဖတ်ရန် အမိန့်ပေးတော်မူထားသည်။ အဘယ်ကြောင့်ဆို‌ သော် ကိယာမသ်နေ့တွင် ကုရ်အာန်သည် ၎င်းအား ရွတ်ဖတ်သူ၊ ၎င်း၏လမ်းညွှန်မှုကို ခိုင်ခိုင်မြဲမြဲ ကိုင်စွဲသူ၊ ၎င်း၏ အမိန့်တော်များကို အကောင် အထည်ဖော်သူနှင့် ၎င်း၏တားမြစ်ချက်များကို ရှောင်ကြဉ်သူများအတွက် ကြားဝင်အသနားခံပေးမည်ဖြစ်သည်။
  2. စူရဟ်ဗကရဟ်နှင့် စူရဟ်အာလိအင်မ်ရာန် ဖတ်ရွတ်ခြင်း၏ အကျိုးကျေးဇူးနှင့် ၎င်းစူရဟ်နှစ်ခု၏ကြီးမားသော အကျိုးဆုလာဘ်များ။
  3. စူရဟ်ဗကရဟ် ဖတ်ရွတ်ခြင်း၏ အကျိုးကျေးဇူးနှင့် ယင်းစူရဟ်သည် ၎င်းအားဖတ်ရွတ်သူကို မှော်ပယောဂမှ ကာကွယ်ပေးခြင်း။

ဘာသာပြန်များကို ကြည့်ရှုရန်

35 ဘာသာစကား
EN English الإنجليزية
UR اردو الأوردية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TH ไทย التايلندية
PS پښتو بشتو
AS অসমীয়া الأسامية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ الكانادا
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية