فەرموودە: نابێت وشترێک لەگەڵ ئێمەدا بێت؛ کە نەفرەت لێکراو بێت

عن أبي بَرْزَةَ نَضْلَةَ بن عبيد الأَسلمي رضي الله عنه قال: بينما جاريةٌ على ناقة عليها بعض مَتَاعِ القوم، إذ بَصُرَتْ بالنبي صلى الله عليه وسلم وتَضَايَقَ بهم الجبل فقالت: حَلْ، اللهم الْعَنْهَا، فقال النبي صلى الله عليه وسلم : «لا تُصَاحِبْنَا ناقةٌ عليها لَعْنَةٌ».
[صحيح] - [رواه مسلم]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی بەرزە نەزلە کوڕی عوبەید ئەلئەسلەمی -ڕەزای خوای لێبێت- دەڵێت: کاتێک کچێکی کەم تەمەن لەسەر وشترێک بوو کە هەندێک شتومەکی خەڵکی هەڵگرتبوو، کچەکە پێغەمبەری بینی -صلى اللە علیە وسلم- وڕێگای شاخەکە تەنگ بوو، (هانی وشترەکەى دا بۆئەوەى خێرا بڕوات؛ بەڵام وشترەکە هەر خێرا ڕێی نەکرد)، -کچەکە- قسەی بە وشترەکە کرد و ووتی: خودایە نەفرەتی لێبکە (لەعنەتی لێبکە)، پێغەمبەر -صلى اللە علیە وسلم-فەرمووی: «نابێت وشترێک لەگەڵ ئێمەدا بێت؛ کە نەفرەتلێکراو بێت».
صەحیحە - موسلیم گێڕاویەتیەوە

شیکردنەوە

کچێکی کەم تەمەن لەسەر وشترێک بوو کە هەندێک شتومەکی خەڵکی هەڵگرتبوو، کچەکە پێغەمبەری بینی -صلى اللە علیە وسلم-، وڕێگای شاخەکە تەنگ بوو لەسەر پێغەمبەر -صلى اللە علیە وسلم- وئەوانەى هاوەڵی بوون لەم سەفەرەدا، کچەکە ویستی وشترەکە خێرا بڕوات، هانی وشترەکەى دا بۆئەوەى خێرا بڕوات؛ بەڵام وشترەکە هەر خێرا ڕێی نەکرد، -کچەکە- قسەی بە وشترەکە کرد بۆئەوەی خێرا ڕێبکا وپاشان ووتی: خودایە نەفرەتی لێبکە (لەعنەتی لێبکە)، پێغەمبەر -صلى اللە علیە وسلم-فەرمووی: نابێت وشترێک لەگەڵ ئێمەدا بێت؛ کە نەفرەتلێکراو بێت.