فەرموودە: هەموو پێغەمبەرێک موعجیزەی پێ بەخشراوە كە بەهۆیەوە خەڵکی باوەڕیان پێهێناوە

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ النَّبِيُّ صَلَّى اللهُ عَلَيْهِ وَسَلَّمَ:
«مَا مِنَ الأَنْبِيَاءِ نَبِيٌّ إِلَّا أُعْطِيَ مَا مِثْلهُ آمَنَ عَلَيْهِ البَشَرُ، وَإِنَّمَا كَانَ الَّذِي أُوتِيتُ وَحْيًا أَوْحَاهُ اللَّهُ إِلَيَّ، فَأَرْجُو أَنْ أَكُونَ أَكْثَرَهُمْ تَابِعًا يَوْمَ القِيَامَةِ».
[صحيح] - [متفق عليه] - [صحيح البخاري: 4981]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هوڕەیڕەوە -ڕەزای خوای لێبێت- کە پێغەمبەر -صلى اللە علیە وسلم- دەفەرموێت:
«هەموو پێغەمبەرێک موعجیزەی پێ بەخشراوە كە بەهۆیەوە خەڵکی باوەڕیان پێهێناوە، بەڵام ئەوەى بە من بەخشراوە وەحیە لە لایەن خوداوە كە بۆی دابەزاندووم (مەبەست قورئانی پیرۆزە)؛ بۆیە هیوادارم کە زۆرترین شوێنکەوتووم هەبێت لە نێو پێغەمبەراندا لە ڕۆژی قیامەتدا».
-

شیکردنەوە

پێغەمبەر -صلى الله عليه وسلم- باسی ئەوەی کردووە کە هەموو پێغەمبەران خوای گەورە پشتیوانی لێکردوون، و نیشانە و موعجیزەی سەرسوڕهێنەری پێبەخشیوون کە بەڵگەن لەسەر پێغەمبەرایەتییان، و ئەوانەی ئەم موعیجزانە دەبینن وا دەخوازێت دەستبەجێ باوەڕ بە ڕاستگۆییان بهێنن، و مرۆڤی بێباوەڕ لە ئاست ئەم ڕكابەریەدا شکستی هێناوە بە شێوەیەک کە ناتوانێت لە خۆی دووری بخاتەوە، بەڵام ڕەنگە نکۆڵی لێبكات و سەرکێش بێت. و پێغەمبەر -صلى الله عليه وسلم- نیشانە و موعجیزەکەی قورئانە کە خوای گەورە بە وەحی ناردوویەتی بۆی، بەهۆی ئەوەی موعجیزەی ئاشکرا و بەردەوامی تێدایە، و بەهۆی زۆری و گشتگیری سوودەكانی، و بانگەواز و بەڵگە و هەواڵدانی تێدایە سەبارەت بە ڕووداوەكانی داهاتوو؛ بۆیە سوودەکەی گشتگیرە بۆ ئامادەبوو و بۆ ئامادەنەبوو و بۆ ئەوانەی لە داهاتوو دێن، پاشان فەرمووی: هیوادارم کە زۆرترین شوێنکەوتووم هەبێت لە ڕۆژی قیامەتدا.

لە سوودەکانی فەرموودەکە

1. سەلماندنی موعجیزە ونیشانەكانی پێغەمبەران، و ئەمە لە ڕەحمەت و فەزڵی خوای گەورەوەیە -سبحانه وتعالی- بەسەر ئوممەتەکاندا.
2. ڕوونكردنەوەی گەورەیی موعجیزەی پێغەمبەر -صلى اللە علیە وسلم-.
3. ڕوونکردنەوەی گەورەیی پلە و پایەی پێغەمبەر -صلی الله علیه وسلم-، و ئاماژەیە بۆ فەزڵ و ڕێزداری ئەو بەسەر هەموو پێغەمبەرانی تردا.
4. ئیبن حەجەر دەڵێت: كاتێك فەرمووی: (بەڵام ئەوەى بە من بەخشراوە وەحیە لە لایەن خوداوە كە بۆی دابەزاندووم -مەبەست قورئانی پیرۆزە-)؛ مەبەست لێی سنووردار كردنی هەموو موعجیزەکانی نییە تەنها لە قورئاندا، و مانای ئەوەیش نییە کە ئەو موعجیزانەی پێنەدراوە کە بە پێغەمبەرانی پێش خۆی دراوە، بەڵکو مەبەست ئەوەیە قورئان گەورەترین موعجیزەیە کە بە تایبەتی بە ئەو دراوە و بە کەسی تر لە پێش خۆی نەدراوە.
5. نەوەوی دەڵێت: كاتێك فەرمووی (هیوادارم کە زۆرترین شوێنکەوتووم هەبێت لە نێو پێغەمبەراندا لە ڕۆژی قیامەتدا)؛ ئەمە نیشانەیەکە لە نیشانەکانی پێغەمبەرایەتی، چونکە پێغەمبەر -صلی الله علیه وسلم- ئەمەی فەرموو لە سەردەمی کەمی ژمارەی موسڵماناندا، پاشان خوای گەورە منەت و چاکەی بەسەر موسڵماناندا ڕژاند و فەتح و سەرکەوتنی پێ بەخشین، و بەرەکەتی خستە نێویانەوە، و کار گەیشتە ئەوەی کاروباری موسڵمانان فراوان بوو هەتا ئەم ئاستەی كە ئێستا ناسراوە، و سوپاس بۆ الله.