فەرموودە: سەیرە بە لای خواى گەورە؛ کەسانێک دەچنە بەهەشتەوە بە زنجیرەوە

عن أبي هريرة رضي الله عنه قال: {كنتم خير أمة أُخْرِجَتْ للناس} قال: "خَيْرُ النَّاسِ للنَّاسِ يَأتُونَ بهم في السَّلاسِلِ في أعْنَاقِهِمْ حتى يَدْخُلُوا في الإسلام". وعنه أيضا رضي الله عنه عن النبي صلى الله عليه وسلم قال: «عَجِبَ الله عز وجل مِنْ قوم يَدْخُلُونَ الجنة في السَّلاسِلِ».
[صحيحان، والحديث الأول موقوف على أبي هريرة، والثاني مرفوع] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەبی هورەیرەوە -ڕەزای خوای لێبێت- (سەبارەت بەم ئایەتە) : «{كنتم خير أمة أُخْرِجَتْ للناس} [ال عمران: 110]، واتە: {ئێوە (مسوڵمانان) باشترین گەلێک بوون بۆ خەڵکی ھێنرابێتە دی}، -ڕەزاى خواى لێبێت- دەڵێـت: باشترینی خەڵکی بۆ خەڵکی ئەوانەن دەیانهێنن وزنجیر بە ملیانەوەیە هەتاوەکو دێنە (ناو ئاینی) ئیسلامەوە». و هەر ئەو دەیگێڕێتەوە -ڕەزای خوای لێبێت- لە پێغەمبەرەوە -صلى اللە علیە وسلم- کە دەفەرموێت: «سەیرە بە لای خواى گەورە؛ کەسانێک دەچنە بەهەشتەوە بە زنجیرەوە».
صەحیحە بە ریوایەتیەکەیەوە - بوخاری و موسلیم هاوڕان لەسەری

شیکردنەوە

خواى گەورە -سبحانه وتعالى- سەیرە بەلایەوە کەسانێک دەیانهێنن بەرەو بەهەشت بە زنجیرەوە، ئەوانیش کەسانێک بوون لە کافرەکان کە مسوڵمانان زنجیر بەستیان دەکردن لە جیهاددا، وپاشان ئەم دیل بوونە هۆکاری مسوڵمان بوون وچوونە بەهەشتیان بوو، فەرموودەى دووەم ڕاڤە وڕوونکردنەوەى فەرموودەی یەکەمە کە هاوەڵێک دەیگڕێتەوە، وئەوانەى ئەم دیلانەیان گرتووە بە باشترین خەڵکی ناوبراون لە گێڕانەوەکەى ئەبو هورەیرە -ڕەزاى خواى لێبێت- چونکە هۆکار بوون بۆ هیدایەتدانى دیلەکان وباشترینی خەڵکن بۆ خەڵکی، وسەرەتای وتەکەى بە ئایەتێک دەستپێکرد؛ چونکە ئەم ئایەتە خێر وچاکێتی ئەم ئومەتەی بە ئاشکرا تێدا باسکراوە.