ھەدىس: مەن كۈچۈمنىڭ يېتىشىچە سىلەرگە پەيغەمبەر ئەلەيھىسسالام بىزگە ناماز ئوقۇپ بەرگەندەك ناماز ئوقۇپ بېرىمەن

عن أنس رضي الله عنه أنه قال: «إني لا آلُو أن أُصَلِّيَ بكم كما كان رسول الله صلى الله عليه وسلم يُصَلِّي بنا، قال ثابت فكان أَنَس يصنع شيئا لا أراكم تصنعونه: كان إذا رفع رأسه من الركوع انْتَصَبَ قائما، حتى يقول القائل: قد نَسِيَ، وإذا رفع رأسه من السَّجْدَةِ مكث، حتى يقول القائل: قد نَسِيَ».
[صحيح] - [متفق عليه]

ئەنەس رەزىيەللاھۇ ئەنھۇ: «مەن كۈچۈمنىڭ يېتىشىچە سىلەرگە پەيغەمبەر ئەلەيھىسسالام بىزگە ناماز ئوقۇپ بەرگەندەك ناماز ئوقۇپ بېرىمەن» دېگەن. سابىت ئەلبۇنانى مۇنداق دېدى: ئەنەس رەزىيەللاھۇ ئەنھۇ سىلەر قىلمىغان ئىشلارنى قىلاتتى، رۇكۇدىن بېشىنى كۆتۈرگەندە تىك تۇرسا كىشى: «سەجدە قىلىشنى ئۇنتۇپ قالغانمىدۇ» دەپ قالىدۇ، سەجدىدىن بېشىنى كۆتۈرۈپ ئىككى سەجدە ئارىسىدا ئولتۇرسا «سەجدە قىلىشنى ئۇنتۇپ قالغانمىدۇ» دەپ قالاتتى
سەھىھ(بەش شەرت تولۇق بولغادا ھەدىس سەھىھ بولىدۇ) - ھەدىسنى بۇخارى ۋە مۇسلىم بىردەك قوبۇل قىلغان

شەرھىسى

ئەنەس رەزىيەللاھۇ ئەنھۇ: «مەن تېرىشىپ، سىلەرنىڭ سۈننەتكە ئەگىشىپ پەيغەمبەر ئەلەيھىسسالامغا ئوخشاش ناماز ئوقۇشۇڭلار ئۈچۈن سىلەرگە پەيغەمبەر ئەلەيھىسسالام بىزگە ناماز ئوقۇپ بەرگەندەك ناماز ئوقۇپ بېرىمەن» دەيتتى، سابىت ئەلبۇنانى مۇنداق دەيدۇ: ئەنەس رەزىيەللاھۇ ئەنھۇ نامازنى تاماملاش ۋە چىرايلىق شەكىلدە ئادا قىلىشتا، سىلەر قىلمىغان ئىشلارنى قىلىدۇ، نامازدا رۇكۇدىن كېيىن ئۇزاق تۇرىدۇ، ئىككى سەجدە ئارىسىدا ئۇزاق ئولتۇرىدۇ، رۇكۇدىن بېشىنى كۆتۈرگەندە تىك تۇرسا كىشى: «سەجدە قىلىشنى ئۇنتۇپ قالغانمىدۇ» دەپ قالىدۇ، سەجدىدىن بېشىنى كۆتۈرۈپ ئىككى سەجدە ئارىسىدا ئولتۇرسا: «سەجدە قىلىشنى ئۇنتۇپ قالغانمىدۇ» دەپ قالىدۇ