Hədis: “Sizdən biriniz xoşuna gələn bir yuxu görərsə, (bilsin ki,) bu ancaq Allahdandır. Belə olduğu təqdirdə o, Allaha həmd etsin və onu danışsın. Əgər xoşlanmadığı bir yuxu görərsə, (bilsin ki,) bu ancaq şeytan tərəfindəndir. Belə olduğu halda o, həmin yuxunun şərindən (Allaha) sığınsın və onu heç kəsə danışmasın. (Belə etsə,) o yuxu ona zərər verə bilməz

عَنْ أَبِي سَعِيدٍ الخُدْرِيِّ رضي الله عنه أَنَّهُ سَمِعَ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«إِذَا رَأَى أَحَدُكُمُ الرُّؤْيَا يُحِبُّهَا فَإِنَّهَا مِنَ اللَّهِ، فَلْيَحْمَدِ اللَّهَ عَلَيْهَا وَلْيُحَدِّثْ بِهَا، وَإِذَا رَأَى غَيْرَ ذَلِكَ مِمَّا يَكْرَهُ، فَإِنَّمَا هِيَ مِنَ الشَّيْطَانِ، فَلْيَسْتَعِذْ مِنْ شَرِّهَا، وَلاَ يَذْكُرْهَا لِأَحَدٍ، فَإِنَّهَا لَنْ تَضُرَّهُ».
[صحيح] - [رواه البخاري] - [صحيح البخاري: 7045]

Əbu Səid əl-Xudridən (Allah ondan razı olsun) rəvayətə görə o, belə demişdir: Mən, Allah Rəsulunun (sallallahu aleyhi və səlləm) belə dediyini eşitdim:
“Sizdən biriniz xoşuna gələn bir yuxu görərsə, (bilsin ki,) bu ancaq Allahdandır. Belə olduğu təqdirdə o, Allaha həmd etsin və onu danışsın. Əgər xoşlanmadığı bir yuxu görərsə, (bilsin ki,) bu ancaq şeytan tərəfindəndir. Belə olduğu halda o, həmin yuxunun şərindən (Allaha) sığınsın və onu heç kəsə danışmasın. (Belə etsə,) o yuxu ona zərər verə bilməz".
[Səhih] - [Əl-Buxari rəvayət etdi] - [Sahihul-Buxari - 7045]

Şərh (izah)

Peyğəmbər (sallallahu aleyhi və səlləm) xəbər verir ki, gözəl və sevindirici yuxular Allahdandır, buna görə də insan Allaha şükür etməli və bu yuxunu başqalarına danışmalıdır. Əgər o, xoşlanmadığı və kədərləndirən bir yuxu görərsə, bu, şeytandandır. Belə olan halda, o, şeytandan Allaha sığınmalı və bu yuxunu heç kimə danışmamalıdır. Çünki Uca Allah bu deyilənləri, yuxu nəticəsində yaranan biləcək zərərdən qorunma üçün səbəb etmişdir. ‏