ಹದೀಸ್: ಪ್ರವಾದಿಯವರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಪಠಣ (ಓದುವ ರೀತಿ) ಹೇಗಿತ್ತು?" ಎಂದು ಅನಸ್ (ಅಲ್ಲಾಹು ಅವರ ಬಗ್ಗೆ ಸಂಪ್ರೀತನಾಗಲಿ) ರಲ್ಲಿ ಕೇಳಲಾಯಿತು. ಅವರು ಹೇಳಿದರು: "ಅದು ದೀರ್ಘವಾಗಿ (ಎಳೆದು ಓದುವಂತಹುದು) ಆಗಿತ್ತು
عَنْ قَتَادَةَ قَالَ:
سُئِلَ أَنَسٌ كَيْفَ كَانَتْ قِرَاءَةُ النَّبِيِّ صَلَّى اللهُ عَلَيْهِ وَسَلَّمَ؟ فَقَالَ: «كَانَتْ مَدًّا»، ثُمَّ قَرَأَ: {بِسْمِ اللَّهِ الرَّحْمَنِ الرَّحِيمِ} [الفاتحة: 1] يَمُدُّ بِبِسْمِ اللَّهِ، وَيَمُدُّ بِالرَّحْمَنِ، وَيَمُدُّ بِالرَّحِيمِ.
[صحيح] - [رواه البخاري] - [صحيح البخاري: 5046]
المزيــد ...
ಕತಾದ ರಿಂದ ವರದಿ: ಅವರು ಹೇಳಿದರು:
"ಪ್ರವಾದಿಯವರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಪಠಣ (ಓದುವ ರೀತಿ) ಹೇಗಿತ್ತು?" ಎಂದು ಅನಸ್ (ಅಲ್ಲಾಹು ಅವರ ಬಗ್ಗೆ ಸಂಪ್ರೀತನಾಗಲಿ) ರಲ್ಲಿ ಕೇಳಲಾಯಿತು. ಅವರು ಹೇಳಿದರು: "ಅದು ದೀರ್ಘವಾಗಿ (ಎಳೆದು ಓದುವಂತಹುದು) ಆಗಿತ್ತು". ನಂತರ ಅವರು: “ಬಿಸ್ಮಿಲ್ಲಾಹಿ ರ್ರಹ್ಮಾನಿ ರ್ರಹೀಮ್” ಎಂದು ಪಠಿಸಿದರು. ಅವರು 'ಬಿಸ್ಮಿಲ್ಲಾಹ್' ಎಂಬುದನ್ನು ದೀರ್ಘಗೊಳಿಸಿದರು (ಎಳೆದರು), 'ಅರ್ರಹ್ಮಾನ್' ಎಂಬುದನ್ನು ದೀರ್ಘಗೊಳಿಸಿದರು ಮತ್ತು 'ಅರ್ರಹೀಮ್' ಎಂಬುದನ್ನು ದೀರ್ಘಗೊಳಿಸಿದರು.
[صحيح] - [رواه البخاري] - [صحيح البخاري - 5046]
ಅನಸ್ ಇಬ್ನ್ ಮಾಲಿಕ್ (ಅಲ್ಲಾಹು ಅವರ ಬಗ್ಗೆ ಸಂಪ್ರೀತನಾಗಲಿ) ರಲ್ಲಿ ಪ್ರವಾದಿಯವರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ಕುರ್ಆನ್ ಪಠಣ ಹೇಗಿತ್ತು ಎಂದು ಕೇಳಲಾಯಿತು. ಆಗ ಅವರು: "ಅವರು ತಮ್ಮ ಪಠಣದಲ್ಲಿ ಸ್ವರವನ್ನು ದೀರ್ಘಗೊಳಿಸುತ್ತಿದ್ದರು" ಎಂದು ಹೇಳಿದರು. ಅಂದರೆ, ಅವರು 'ಅಲ್ಲಾಹ್' ಪದದಲ್ಲಿರುವ 'ಲಾಮ್' ಅಕ್ಷರವನ್ನು, 'ಅರ್ರಹ್ಮಾನ್' ಪದದಲ್ಲಿರುವ 'ಮೀಮ್' ಅಕ್ಷರವನ್ನು ಮತ್ತು 'ಅರ್ರಹೀಮ್' ಪದದಲ್ಲಿರುವ 'ಹಾ'ಅಕ್ಷರವನ್ನು ಎಳೆದು ಓದುತ್ತಿದ್ದರು.
ಹದೀಸಿನ ಪ್ರಯೋಜನಗಳು
- ಮದ್ದ್ (ದೀರ್ಘಗೊಳಿಸುವಿಕೆ) ಎಂದರೆ, ದೀರ್ಘಗೊಳಿಸುವ ಅಕ್ಷರಗಳಾದ ಅಲಿಫ್, ವಾವ್ ಮತ್ತು ಯಾ ಗಳನ್ನು, ಅವು 'ಸುಕೂನ್' ಆಗಿದ್ದು, ಅವುಗಳ ಹಿಂದೆ ಅದಕ್ಕೆ ಹೊಂದಿಕೆಯಾಗುವ ಸ್ವರವಿದ್ದಾಗ ದೀರ್ಘಗೊಳಿಸಿ ಓದುವುದಾಗಿದೆ.
- ಕುರ್ಆನ್ ಪಠಿಸುವಲ್ಲಿ ಪ್ರವಾದಿಯವರ (ಅವರ ಮೇಲೆ ಅಲ್ಲಾಹನ ಕೃಪೆ ಮತ್ತು ಶಾಂತಿಯಿರಲಿ) ವಿಧಾನವನ್ನು ಇದು ತಿಳಿಸುತ್ತದೆ.
- ಪ್ರವಾದಿಯವರ ಪಠಣ ಹೇಗಿತ್ತು ಎಂಬುದನ್ನು ಪ್ರಾಯೋಗಿಕವಾಗಿ ಮಾಡಿ ತೋರಿಸಲಾಗಿದೆ.
- ಅಸ್ಸಿಂದಿ ಹೇಳುತ್ತಾರೆ: "ಸ್ವರವನ್ನು ದೀರ್ಘಗೊಳಿಸುತ್ತಿದ್ದರು" ಎಂದರೆ, ದೀರ್ಘಗೊಳಿಸಲು ಸಾಧ್ಯವಿರುವ ಅಕ್ಷರಗಳನ್ನು ಎಳೆದು ಓದುತ್ತಿದ್ದರು. ಇದು ಕುರ್ಆನ್ ಬಗ್ಗೆ ಆಳವಾಗಿ ಚಿಂತನೆ ನಡೆಸಲು ಮತ್ತು ಉಪದೇಶ ಪಡೆಯುವವರಿಗೆ ನೆನಪಿಸಿಕೊಳ್ಳಲು ಸಹಾಯ ಮಾಡುತ್ತದೆ.
- 'ತಜ್ವೀದ್' (ಕುರ್ಆನ್ ಪಠಣ ಶಾಸ್ತ್ರ) ಮತ್ತು ಕುರ್ಆನ್ ವಿಜ್ಞಾನಗಳನ್ನು (ಉಲೂಮುಲ್ ಕುರ್ಆನ್) ತಿಳಿದುಕೊಳ್ಳುವ ಮಹತ್ವವನ್ನು ತಿಳಿಸಲಾಗಿದೆ.
- ವಿಷಯಗಳನ್ನು ಅರ್ಥಮಾಡಿಕೊಳ್ಳಲು ವಿದ್ವಾಂಸರನ್ನು ಸಂಪರ್ಕಿಸಬೇಕು. ಅನಸ್ (ಅಲ್ಲಾಹು ಅವರ ಬಗ್ಗೆ ಸಂಪ್ರೀತನಾಗಲಿ) ರಲ್ಲಿ ಪ್ರಶ್ನೆಯನ್ನು ಕೇಳಿದಾಗ ಅವರು ಪ್ರಶ್ನಿಸಿದವರಿಗೆ ಸ್ಪಷ್ಟವಾಗಿ ವಿವರಿಸಿದರು.