Хадис: „Возвишениот Аллах вели: На тројца Јас ќе им бидам противник на Судниот ден

عَنْ أَبِي هُرَيْرَةَ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«قَالَ اللَّهُ تَعَالَى: ثَلاَثَةٌ أَنَا خَصْمُهُمْ يَوْمَ القِيَامَةِ: رَجُلٌ أَعْطَى بِي ثُمَّ غَدَرَ، وَرَجُلٌ بَاعَ حُرًّا فَأَكَلَ ثَمَنَهُ، وَرَجُلٌ اسْتَأْجَرَ أَجِيرًا فَاسْتَوْفَى مِنْهُ وَلَمْ يُعْطِهِ أَجْرَهُ».
[صحيح] - [رواه البخاري] - [صحيح البخاري: 2270]

Ебу Хурејре, Аллах нека е задоволен со него, пренесува дека Веровесникот, салаллаху алејхи ве селем, рекол:
„Возвишениот Аллах вели: На тројца Јас ќе им бидам противник на Судниот ден: човек кој дава завет во Мое име па го изневерил; човек кој како роб продал слободен човек и ја изел неговата цена; и човек кој изнајмил работник, па го искористил неговиот труд, а не му ја дал платата.“
[صحيح] - [رواه البخاري] - [صحيح البخاري - 2270]

Објаснување

Пратеникот, салаллаху алејхи ве селем, нѐ известува дека Возвишениот Аллах рекол: „На три категории на луѓе Јас ќе им бидам противник на Судниот ден, а на оној кому Јас сум противник – сигурно ќе биде поразен: 1. Оној кој ќе даде заклетва во името на Аллах, ќе склучи завет, а потоа ќе го прекрши и изневери. 2. Оној кој ќе продаде слободен човек како да е роб и ќе ја изеде (потроши) неговата цена. 3. Оној кој ќе изнајми работник за работа, ќе го искористи неговиот труд, а нема да му ја даде платата.“

من فوائد الحديث

1. Овој хадис во кој Аллаховиот пратеник, салаллаху алејхи ве селем, пренесува од Аллах се нарекува хадис кудси или хадис илахи (божествен хадис). Тоа е хадис чиишто изрази и значења се од Семоќниот Аллах, но ги нема оние карактеристики на Куранот со кои тој се одликува, како што се: неговото цитирање претставува чин на обожување, обврската да бидеме чисти кога го допираме, Куранот е објавен како предизвик за сите луѓе и некои други специфичности.
2. Ес-Синди рекол: „Спомнувањето на овие тројца не е за да се ограничи казната само на нив, бидејќи Аллах е противник на сите неправедници, туку за да ја истакне строгоста кон овие тројца.“
3. Ибн ел-Џевзи рекол: „Слободниот човек е Божји слуга, па оној што ќе му наштети, всушност е противник на неговиот Господар, односно на Аллах.“
4. Ел-Хатаби рекол: „Злоупотребата на слободниот човек може да се случи на два начина: прво – некој да го ослободи, а потоа да го сокрие тоа или да го негира; и второ – да го присилува да работи и по ослободувањето. Првиот случај е потежок. А јас велам: хадисот што се разгледува е уште построг, затоа што во него, покрај криењето или негирањето на ослободувањето, има и дополнително зло – продавање на слободниот човек и јадење на примениот надоместок од тоа. Затоа заканата во хадисот е уште посилна.“