فەرموودە: بڕۆ سەیری بکە، چونکە بەهۆی ئەوەوە تەبایی وخۆشەویستی لە نێوانتان دروست دەبێت

عن المغيرة بن شعبة، قال: أتيتُ النبي -صلى الله عليه وسلم فذكرت له امرأةً أخطِبُها، فقال: «اذهب فانظر إليها، فإنه أجدرُ أن يُؤدمَ بينكما»، فأتيت امرأة من الأنصار، فخطَبتُها إلى أبَويها، وأخبرتهما بقول النبي صلى الله عليه وسلم ، فكأنهما كرِها ذلك، قال: فسمعت ذلك المرأة، وهي في خِدرها، فقالت: إن كان رسول الله صلى الله عليه وسلم أمرك أن تنظر، فانظر، وإلا فأنشدُك، كأنها أَعْظَمت ذلك، قال: فنظرتُ إليها فتزوجتُها، فذكر من موافقتها.
[صحيح] - [رواه الترمذي والنسائي وابن ماجه وأحمد]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە موغیرەی کوڕی شوعبەوە دەڵێت: هاتم بۆ لای پێغەمبەر -صلى اللە علیە وسلم- قسەم لەگەڵیدا کرد سەبارەت بە ئافرەتێک کە دەمەوێت مارەی بکەم، فەرمووی: «بڕۆ سەیری بکە، چونکە بەهۆی ئەوەوە تەبایی وخۆشەویستی لە نێوانتان دروست دەبێت»، چووم (بۆ داواکردنی) ئافرەتێک لە ئەنساڕ، و(خوازبێنیم) کرد لە ڕێگای باوک ودایکیەوە، وقسەکەى پێغەمبەرم بۆیان باسکرد -صلى اللە علیە وسلم-، وا دیار بوو حەزیان لەو قسەیە نەکرد، ئافرەتەکە ئەو قسانەى بیست، ولە نێو ژوورەکەى خۆی بوو، ووتی: ئەگەر پێغەمبەری خودا -صلى اللە علیە وسلم- فەرمانى پێکردوویت کە سەیر بکەیت، سەیر بکە، ئەگەر نا سوێندت دەدەم کە سەیرم نەکەیت، وەکو ئەوە وابێت ئەم مەسەلەى بە گەورە دانا، منیش سەیرم کرد وهاوسەرگیریم لەگەڵیدا کرد، باسی ئەوەى کرد چۆن گونجان لەگەڵ یەکتر (بەهۆی ئەم بینینەوە).
[صەحیحە] - [ئیبنو ماجه گێڕاویەتیەوە - تورموذی گێڕاویەتیەوە - نەسائی گێڕاویەتیەوە - ئەحمەد گێڕاویەتیەوە]

شیکردنەوە

ئەم فەرموودەیە بەڵگەیە لەسەر ئەوەى سونەتە -موستەحەبە- کە پیاو سەیری ئەو ئافرەتە بکات کە دەیەوێت مارەی بکات، وئەمیش نزیکترە بۆئەوەى پێکەوە بگونجێن وتەبایی ڕووبدات لە نێوانیان، بۆیە بە زانینەوە هاوسەرگیری لەگەڵیدا کردووە، ولە پاش ئەمە زۆر جار پەشیمانى ڕوونادات، بۆیە موغیرە -ڕەزاى خواى لێبێت- ڕاوێژی بە پێغەمبەر -صلى اللە علیە وسلم- کرد سەبارەت بە مارەکردنی ئافرەتێک؛ ئەویش فەرمانى پێیکرد کە سەیری بکات بۆئەوەى دڵنیا بێت لەوەى ئایا پێکەوە دەگونجێن. وئەمیش بەڵگەیە لەسەر ئەوەى واجبە لەسەر مسوڵمان ئەوەى پێغەمبەر -صلى اللە علیە وسلم- فەرمانى پێکردووە قبوڵی بکات بە بێ هیچ گومان ودوو دڵی وجەخاڵەت بوونێک؛ چونکە پێغەمبەر -صلى اللە علیە وسلم- تەنها فەرمان بە خێر وچاکە دەکات.