فەرموودە: دەبینم حەزت لە پەز ودەشتاییە؛ ئەگەر لەگەڵ پەزەکەتدا بوویت

عن عبد الله بن عبد الرحمان بن أبي صعصعة: أن أبا سعيد الخدري رضي الله عنه قال له: «إنِّي أرَاكَ تُحبُّ الغنم والبادية فإذا كُنْتَ في غنمك -أو بَادِيتِك- فَأذَّنْتَ للصلاةِ، فَارْفَعْ صوتك بِالنِّدَاءِ، فَإنَّهُ لا يَسمَعُ مدى صَوْتِ المُؤذِّنِ جِنٌّ، وَلاَ إنْسٌ، وَلاَ شَيْءٌ، إِلاَّ شَهِدَ لَهُ يَومَ القِيَامَةِ» قال أبو سعيد: سمعتُه من رسولِ اللهِ صلى الله عليه وسلم .
[صحيح] - [رواه البخاري]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە عبداللەی کوڕی عبدالرحمانی کوڕی ئەبی سەعسەعەوە دەڵێت: ئەبی سەعیدی خودری -ڕەزای خوای لێبێت- پێی ووت: «دەبینم حەزت لە پەز ودەشتاییە؛ ئەگەر لەگەڵ پەزەکەتدا بوویت، وبانگت دا ئەوا دەنگ بەرز بکەرەوە لە کاتی بانگدان، چونکە هەرکەسێک لە جن یان مرۆڤ یان هەرشتێکی تر گوێیان لە دەنگی بانگبێژ بێت لە هەر دووریەکەوە؛ ئەوا لە ڕۆژی قیامەتدا شاهێدی بۆ دەدەن (بۆ بانگبێژەکە)»، ئەبو سەعید دەڵێت: بیستوومە لە پێغەمبەرەوە -صلى اللە علیە وسلم-.
[صەحیحە] - [بوخاری گێڕاویەتیەوە]

شیکردنەوە

لە عبداللەی کوڕی عبدالرحمانی کوڕی ئەبی سەعسەعەوە دەڵێت: ئەبی سەعیدی خودری -ڕەزای خوای لێبێت- پێی ووت: (دەبینم حەزت لە پەز ودەشتاییە، ئەگەر لەگەڵ پەزەکەتدا بوویت، وبانگت دا): واتا ئەگەر ویستت بانگ بدەیت بۆ ئەنجامدانى نوێژکردن. (ئەوا دەنگ بەرز بکەرەوە لە کاتی بانگدان، چونکە هەرکەسێک لە جن یان مرۆڤ یان هەرشتێکی تر، گوێیان لە دەنگی بانگبێژ بێت لە هەر دووریەکەوە): ئەگەر لە شوێنێکی دووریش بێت، هەرشتێکی تر وەکو مرۆڤ وجنۆکە، ووتراوە: گشتییە بۆ هەموو بوونەوەرێک ببیستێت ئەگەرچیش ئاقڵ نەبێت وەکو هەموو ئاژەڵەکان بێجگە لە شتە بێ ڕۆحەکان. (ئەوا لە ڕۆژی قیامەتدا شاهێدی بۆ دەدەن -بۆ بانگبێژەکە-): واتا شاهێدی بۆ دەدەن بەوەى کە لە بانگبێژان بووە وئەمیش وەکو ئاماژەکردنێک بۆ فەزڵی وپاداشتی.