ھەدىس: تىللاشقان ئىككى ئادەمنىڭ گۇناھى: بوزەك قىلىنغىنى ئاشۇرىۋەتمىسىلا، باشتا تىللىغىنىغا بولىدۇ

عن أبي هريرة رضي الله عنه : أن رسول الله صلى الله عليه وسلم قال: «المُتَسَابَّانِ ما قالا فَعَلى البَادِي منهما حتى يَعْتَدِي المَظْلُوم».
[صحيح] - [رواه مسلم. ملحوظة: لفظ مسلم: «المستبان ما قالا فعلى البادئ، ما لم يعتد المظلوم»، والمصنف ذكره بالمعنى]

ئەبۇ ھۈرەيرە رەزىيەللاھۇ ئەنھۇدىن رىۋايەت قىلىنىدۇ: پەيغەمبەر ئەلەيھىسسالام: «تىللاشقان ئىككى ئادەمنىڭ گۇناھى: بوزەك قىلىنغىنى ئاشۇرىۋەتمىسىلا، باشتا تىللىغىنىغا بولىدۇ» دېدى
سەھىھ(بەش شەرت تولۇق بولغادا ھەدىس سەھىھ بولىدۇ) - ئىمام مۇسلىم"سەھىھ مۇسلىم"ناملىق ئەسىرىدە رىۋايەت قىلغان

شەرھىسى

تىللاشقان ئىككى ئادەمدىن سادىر بولغان سۆز- ھەرىكەتلەرنىڭ گۇناھى دەسلەپتە باشلىغىنىغا بولىدۇ، چۈنكى ئۇ باشلاش بىلەن ھەددىدىن ئاشقۇچىدۇر، ئىككىنچىسىگە گۇناھ بولمايدۇ، چۈنكى ئۇنىڭ زۇلۇمغا رەت قايتۇرۇشىغا رۇخسەت قىلىنغان. ئەگەر زۇلۇم قىلىنغۇچى زۇلۇم قىلغۇچىغا رۇخسەت بېرىلگەن چەكتىن ئۆتۈپ ئاشۇرىۋەتسە، زۇلۇم قىلىنغۇچىنىڭ گۇناھى دەسلەپتە باشلىغان كىشىنىڭكىدىن كۆپ بولىدۇ