فەرموودە: پێغەمبەر -صلى اللە علیە وسلم- نەهی کردووە لە فرۆشتنی بەرووبومەکان هەتاوەکو پێدەگەن. ووترا: پێدەگەن واتای چییە؟ فەرمووی: هەتا سوور دەبێت، چی دەکەن ئەگەر خودا بەرووبومەکانتان لێبگرێتەوە وپێتان نەبەخشێت، ئایا بۆچی یەکێکتان پارەی براکەی بۆ خۆی حەڵاڵ دەکات؟

عن أنس بن مالك رضي الله عنه مرفوعاً: «أن رسول الله صلى الله عليه وسلم نهى عن بيع الثمار حتى تُزْهِي. قيل: وما تُزْهِي؟ قال: حتى تَحمَرَّ. قال: أرأيت إن مَنَعَ اللهُ الثمرة، بِمَ يستحِلُّ أحدُكُم مال أخيه؟».
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئەنەسی کوڕی مالیکەوە -ڕەزای خوای لێبێت- دەڵێت: «پێغەمبەر -صلى اللە علیە وسلم- نەهی کردووە لە فرۆشتنی بەرووبومەکان هەتاوەکو پێدەگەن. ووترا: پێدەگەن واتای چییە؟ -صلى اللە علیە وسلم- فەرمووی: «هەتا سوور دەبێت، ئایا ئێوە چی دەکەن ئەگەر خودا بەرووبومەکانتان لێبگرێتەوە وپێتان نەبەخشێت، ئایا بۆچی یەکێکتان پارەی براکەی بۆ خۆی حەڵاڵ دەکات؟».
[صەحیحە] - [بوخاری و موسلیم هاوڕان لەسەری]

شیکردنەوە

بەرووبومەکان لەوەیە تووشی نەخۆشی یان کەموکورتی بن پێش ئەوەى پێبگەن، بۆیە لەم کاتەدا کڕینیان هیچ سوودێکی نابێت. بۆیە پێغەمبەر -صلى اللە علیە وسلم- نەهی کردووە لە فرۆشیار وکڕیار لە فرۆشتن وکڕینیان هەتاوەکو پێدەکەن وچاکی بەرووبومەکە دیار دەبێت، وبۆ نمونە لە خورمادا دیارە کاتێک چاک دەبن وپێدەگەن ڕەنگیان سوور یان زەرد دەبێتەوە. پاشان پێغەمبەر -صلى اللە علیە وسلم- هۆکاری قەدەغەکردنی بەرووبومی پێنەگەیشتووی ڕوونکردەوە؛ ئەگەر نەخۆشیەک یان هەر کەموکورتیەکی تر بێتە سەر بەرووبومەکە ئایا چۆن مسوڵمانێک پارەی برای مسوڵمانی (پارەی کڕیارەکە) بۆ خۆی حەڵاڵ دەکات، پارەکە دەبات بە بێ ئەوەى لە بەرامبەر هیچ سوودێکی حەڵاڵ بە بەرامبەر بگەیەنێت؟