فەرموودە: پێغەمبەری خودا -صلى الله علیه وسلم- نەهی کردووە: لە سواربوون یان خواردنەوەى شیری وشترێک کە شتی بۆگەن بخوات

عن ابن عمر رضي الله عنهما ، قال: "نهى رسول الله صلى الله عليه وسلم عن الجَلَّالَة في الإبِل: أنْ يُرْكَبَ عليها، أو يُشْرَب مِن أَلْبَانِها".
[صحيح] - [رواه أبو داود والترمذي وابن ماجه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە ئیبن عومەرەوە -ڕەزای خوایان لێبێت- دەڵێت: «پێغەمبەری خودا -صلى الله علیه وسلم- نەهی کردووە: لە سواربوون یان خواردنەوەى شیری وشترێک کە شتی بۆگەن* بخوات». *(شتی بۆگەن: وەکو پاشەڕۆی ئاژەڵەکان)
[صەحیحە] - [ئیبنو ماجه گێڕاویەتیەوە - تورموذی گێڕاویەتیەوە - ئیبنوداود گێڕاویەتیەوە]

شیکردنەوە

شیکردنەوەى فەرموودەکە: نەهی کراوە لە لە سواربوون یان خواردنەوەى شیری وشترێک کە شتی بۆگەن* بخوات، وهەروەها نەهی کراوە لە خواردنی گۆشتەکەیشی هەروەکو لە فەرموودەى تردا هاتووە، وشتی بۆگەن هەموو شتێکی تر دەگرێتەوە تەنها پاشەڕۆی ئاژەڵ ناگرێتەوە یان ئەگەر زۆرینەى ئالیکەکەى -عەلەفەکەى- شتی پیس وبۆگەن بوو؛ چونکە گۆشت وشیرەکەى لە شتی پیسەوە پێگەیشتووە بۆیە پیسن، بەڵام ئەگەر سێ ڕۆژ یان زیاتر لەوەڕ وئالیکی پاکی پێبدرێت؛ لەم حاڵەتەدا قەدەغەکردنە نامێنێت وهەموو بەرهەمەکانى حەڵاڵ دەبێت. *(شتی بۆگەن: وەکو پاشەڕۆی ئاژەڵەکان)