فەرموودە: لە کاتی نوێژدا قسەمان دەکرد، یەکێکمان قسەی لەگەڵ هاوڕێکەى تەنیشتی دەکرد لە کاتی نوێژدا، هەتا ئەم ئایەتە دابەزى: {وَقُومُوا لِلَّهِ قَانِتِينَ}؛ بۆیە فەرمانمان پێکرا بە بێدەنگ بوون وقسە نەکردن لە کاتی نوێژدا

عن زَيْد بن أَرْقَمَ رضي الله عنه قال: «كُنّا نتكلم في الصلاة، يُكَلِّمُ الرجل صاحبه، وهو إلى جنبه في الصلاة، حتى نزلت ((وقوموا لله قانتين))؛ فَأُمِرْنَا بالسكوت ونُهِينَا عن الكلام».
[صحيح] - [متفق عليه]

ئەم وەرگێڕاوە پێویستی بە پێداچوونەوە و وردبوونەوەی زیاتر هەیە.

لە زەیدی کوڕی ئەرقەمەوە -ڕەزای خوای لێبێت- دەڵێـت: «لە کاتی نوێژدا قسەمان دەکرد، یەکێکمان قسەی لەگەڵ هاوڕێکەى تەنیشتی دەکرد لە کاتی نوێژدا، هەتا ئەم ئایەتە دابەزى: {وَقُومُوا لِلَّهِ قَانِتِينَ}[البقرة: 238]، واته:{گوێڕایەڵی خوای گەورە بكەن وخشوعتان بۆ خوای گەورە هەبێت وبێدەنگ بن وقسە مەكەن لە ناو نوێژەكانتاندا}؛ بۆیە فەرمانمان پێکرا بە بێدەنگ وقسە نەکردن لە کاتی نوێژدا».
[صەحیحە] - [بوخاری و موسلیم هاوڕان لەسەری]

شیکردنەوە

نوێژ کردن پەیوەندیە لە نێوان بەندە وپەروەردگاری بۆیە نابێت نوێژخوێن خۆی سەرقاڵ بکات بە شتێک کە دوور بێت لە پاڕانەوە وداواکردن لە خودا، زەیدی کوڕی ئەرقەم -ڕەزاى خواى لێبێت- باسی ئەوە دەکات کە مسوڵمانان لە سەرەتادا لە ناو نوێژدا قسەیان دەکرد بە شێوەیەک کەسێک قسەی لەگەڵ هاوڕێکەى تەنیشتی دەکرد ئەگەر پێویستیەکی هەبوایە، وپێغەمبەر -صلى اللە علیە وسلم- یش گوێی لێ دەبوو وئینکاری لێ نەدەکردن. کاتێک قسەکردن هۆکاری سەرقاڵ بوون ودوور کەوتنە بوو لە نزا وپاڕانەوە لە خودا؛ خواى گەورە فەرمانى پێکردن کە پارێزگاری لە ئەنجامدانى نوێژەکانیان بکەن وبێدەنگ بن لە کاتی نوێژدا، بۆیە ئەم ئایەتەی دابەزاندا: {حَافِظُوا عَلَى الصَّلَوَاتِ وَالصّلاةِ الوُسطى وَقُومُوا لله قَانِتِينَ}[البقرة: 238]،واتە:{ پارێزگاری لەسەر نوێژەكانتان بكەن و بەردەوام بن لەسەری بەتایبەتی نوێژی ناوەڕاست كە نوێژی عەسرە، بە پێوە نوێژەكانتان ئەنجام بدەن وگوێڕایەڵی خوای گەورە بكەن وخشوعتان بۆ خوای گەورە هەبێت وبێدەنگ بن وقسە مەكەن لەناو نوێژەكانتاندا}، بۆیە هاوەڵان زانیان کە نەهیان لێکراوە لە قسەکردن لە کاتی نوێژدا، بۆیە وازیان هێنا -ڕەزای خوایان لێبێت-.