ھەدىس: ئەگەر تۇلۇمدا بىرەر كېچە تۇرغان سۇ بولسا شۇنى بېرىڭ، بولمىسا ئېرىقتىنلا ئېچەيلى

عن جابر بن عبد الله رضي الله عنهما أَنَّ رسولَ اللهِ صلى الله عليه وسلم دَخَلَ على رجلٍ مِنَ الأَنْصَارِ، ومعه صاحبٌ له، فقال رسولُ اللهِ صلى الله عليه وسلم : «إِنْ كان عِنْدَكَ مَاءٌ بَاتَ هذه الليلةَ في شَنَّةٍ وإِلَّا كَرَعْنَا».
[صحيح] - [رواه البخاري]

جابىر ئىبنى ئابدۇللاھ رەزىيەللاھۇ ئەنھۇ رىۋايەت قىلغان ھەدىستە: رەسۇلۇللاھ ئەلەيھىسسالام ئەنسارىلاردىن بىر كىشىنىڭ ئۆيىگە بىر كىشىنى ھەمرا قىلىپ كىرىدۇ. رەسۇلۇللاھ سەللەللاھۇ ئەلەيھى ۋەسەللەم ئۇ ئەنسارىغا: «ئەگەر تۇلۇمدا بىرەر كېچە تۇرغان سوغۇق سۇ بولسا شۇنى بېرىڭ، بولمىسا ئېرىقتىنلا ئېچەيلى»دېگەن.
سەھىھ(بەش شەرت تولۇق بولغادا ھەدىس سەھىھ بولىدۇ) - بۇخارى"سەھىھۇل بۇخارى"ناملىق ئەسىرىدە رىۋايەت قىلغان

شەرھىسى

جابىر رەزىيەللاھۇ ئەنھۇ مۇنداق دەيدۇ: رەسۇلۇللاھ ئۆيىگە كىرگەن ئەنسارىنىڭ ئىسمى: ئەبۇلھەيسەم ئىبنى تەيھان ئەنسارى ئىدى. بىرگە ئېلىپ كىرگەن كىشى بولسا ھەزرىتى ئەبۇبەكرى ئىدى. رەسۇلۇللاھ ئۇنىڭدىن: ئەگەر ئۆيۈڭدە بىرەر كېچە تۇلۇمدا تۇرغان سۇ بولسا شۇنى ئېچەيلى دېگەن. چۈنكى ئۇ ياز ۋاقتى بولۇپ، بىرەر كېچە تۇلۇمدا تۇرغان سۇ سوغۇق بولاتتى. سوغۇق سۈيۈڭ بولمىسا ئېرىقتىن ئېغىزىمىزدىلا ئىچەيلى، دېگەن