عن أبي هريرة -رضي الله عنه- قال: قال رسول الله -صلى الله عليه وسلم-: «للعبد المملوك المصلح أجران»، والذي نفس أبي هريرة بيده لولا الجهاد في سبيل الله والحج، وبِرُّ أمي، لأحببت أن أموت وأنا مملوك.
[صحيح.] - [متفق عليه.]
المزيــد ...

ابوہریرہ رضی اللہ عنہ سے روایت کہ رسول اللہ ﷺ نے فرمایا ”نیکوکار مملوک غلام کے لیے دوہرا اجر ہے“۔ (ابو ہریرہ فرماتے ہیں) اس ذات کی قسم جس کے ہاتھ میں ابوہریرہ کی جان ہے، اگر جہاد فی سبیل اللہ، حج اور اپنی ماں کی خدمت میرے سامنے نہ ہوتی تو مجھے یہ پسند ہوتا کہ میں غلامی کی حالت میں مروں۔
صحیح - متفق علیہ

شرح

حدیث کا مفہوم: جب غلام کا اپنے مالک کے ساتھ سلوک اچھا ہوتا ہے یعنی وہ اپنی تمام ذمہ داریاں پوری کرتا ہے بایں طور کہ وہ جس اچھے کام کا حکم کرتا ہے اسے وہ بجا لاتا ہے اور فرائض کو ادا کر کے اور ممنوعہ اشیاء سے اجتناب کرتے ہوئے وہ اللہ کے حق کو بھی ادا کرتا ہے تو قیامت کے دن ایسے غلام کو دوہرا اجر ملے گا۔ اول: ایک وہ اجر جو اسے اپنے آقا کے حقوق کو ادا کرنے کی وجہ سے ملے گا۔ دوم: دوسرا وہ اجر جو اسے ان حقوق کے ادا کرنے کی وجہ سے ملے گا جو اللہ تعالی نے اس پر واجب کیے ہیں۔ حدیث روایت کرنے کے بعد ابو ہریرہ رضی اللہ عنہ نے اللہ کی قسم اٹھائی کہ اگر جہاد فی سبیل اللہ، حج اور ان کی ماں کی خدمت کرنے کے مسائل نہ ہوتے تو ان کی تمنا تھی کہ ان کی وفات کسی کے مملوک غلام کی حیثیت سے ہوتی۔ تاہم اس بات میں جو چیزیں ان کے لیے رکاوٹ ہیں ان میں سے ایک جہاد فی سبیل اللہ ہے کیونکہ غلام جہاد کے لیے نہیں جا سکتا ماسوا اس کے کہ اس کا آقا اسے اجازت دے دے۔ بہرحال وہ اسے اپنی ضرورت کی وجہ سے یہ اس اندیشے کے تحت روک سکتا ہے کہ کہیں وہ ہلاک نہ ہوجائے۔ اگر حج نہ ہوتا تو ان کی خواہش ہوتی کہ وہ مملوک غلام کی حیثیت سے وفات پائیں کیونکہ غلام اپنے آقا کی اجازت کے بغیر حج پر نہیں جا سکتا اور وہ اپنی ضرورت کی وجہ سے اسے حج پر جانے سے روک سکتا ہے۔ اسی طرح غلامی کی خواہش کرنے میں ایک اور چیز جو آڑے آتی تھی وہ ماں کی خدمت گزاری اور اس کی اطاعت تھی۔ آقا کی اطاعت ماں کی اطاعت سے مقدم اور زیادہ ضروری ہوتی ہے کیونکہ اس کے تمام منافع اس کے آقا کی ملکیت ہوتے ہیں اور اسے اس پر تصرف مطلق حاصل ہوتا ہے اور یہ ایسی چیز ہے جو ماں کی خدمت گزاری اور اس کی اطاعت کی راہ میں رکاوٹ بنتی ہے۔

ترجمہ: انگریزی زبان فرانسیسی زبان اسپینی ترکی زبان انڈونیشیائی زبان بوسنیائی زبان روسی زبان بنگالی زبان چینی زبان فارسی زبان تجالوج ہندوستانی ایغور ہاؤسا
ترجمہ دیکھیں