عن عبد الله بن عمر -رضي الله عنهما-: أنه طَلَّق امرأته وهي حائض، على عَهْد رسول الله -صلى الله عليه وسلم-، فسأل عمر بن الخطاب رسول الله -صلى الله عليه وسلم- عن ذلك، فقال رسول الله صلى الله عليه وسلم: «مُرْهُ فليُرَاجِعْهَا، ثم ليُمْسِكْهَا حتى تَطْهُر، ثم تحيض ثم تَطْهُر، ثم إن شاء أَمسَكَ بَعْدُ، وإن شاء طلق قَبْل أن يَمَسَّ، فتلك العِدَّةُ التي أمر الله أن تُطَلَّقَ لها النساء».
[صحيح.] - [متفق عليه.]
المزيــد ...

ئابدۇللاھ ئىبنى ئۆمەر رەزىيەللاھ ئەنھۇدىن رىۋايەت قىلىنىدۇكى ئۇ كىشى رەسۇلۇللاھنىڭ زامانىدا، ئايالىنى ھەيزدار ۋاقتىدا تالاق قىلغان. ئۆمەر بۇنىڭ ھۆكمىنى رەسۇلۇللاھتىن سوراپ كەلگەندە رەسۇلۇللاھ ئۆمەرگە: ئۇنىڭغا ئېيتقىن ئايالى بىلەن يېنىشىۋالسۇن! ئاندىن ئايالى ھەيىزدىن پاك بولغۇچە ئەمرىدە تۇتۇپ تۇرسۇن، يەنە بىر ھەيىز كۆرۈپ پاك بولغاندىن كېيىن، ئەر-ئاياللىق قىلىشتىن بۇرۇن خالىسا تالاق قىلسۇن خالىسا ئەمرىدە ئېلىپ قالسۇن. مانا بۇ ئاللاھ تائالا ئاياللارنى تالاق قىلىشتا بەلگىلىگەن ئىددەتتۇر، دېگەن
سەھىھ(بەش شەرت تولۇق بولغادا ھەدىس سەھىھ بولىدۇ) - ھەدىسنى بۇخارى ۋە مۇسلىم بىردەك قوبۇل قىلغان

شەرھىسى

بۇ ھەدىس تۆۋەندىكىلەرنى ئۇقتۇرغان: ئابدۇللاھ ئىبنى ئۆمەر رەزىيەللاھۇ ئەنھۇ ئايالىنى ھەيىزدار ۋاقتىدا تالاق قىلغان. ئايالىنىڭ ئىسمى: ئامىنە بىنتى غەپار ئىدى، دېيىلگەن. دادىسى ئۆمەر پەيغەمبەر سەللەللاھۇ ئەلەيھى ۋەسەللەمنىڭ يېنىغا بېرىپ ئابدۇللاھنىڭ قىلغان ئىشىدىن خەۋەر بېرىپ، بۇ ئىش توغرىسىدا پەتىۋا سورىغان، پەيغەمبەرئەلەيھىسسالام ئۆمەرگە: «ئۇنىڭغا ئېيتقىن ئايالى بىلەن يېنىشىۋالسۇن» دېدى، يەنى پەيغەمبەرئەلەيھىسسالام ئۆمەرنى بۇيرۇپ، ئابدۇللاھغا ئېيتىقىن ئايالى بىلەن يېنىشىۋالسۇن دېدى، چۈنكى ھەيزدار ۋاقتىدا قىلىنغان تالاق بىدئەت تالاق بولىدۇ، پەيغەمبەرئەلەيھىسسالامنىڭ شۇ ۋاقىتنىڭ ئۆزىدە يېنىشىۋېلىشقا بۇيرىشى، ئايالنىڭ ئىددىتىنىڭ بەك ئۇزۇن بولۇپ كەتمەسلىكى ئۈچۈندۇر، چۈنكى تالاق قىلىنغان ۋاقىتتىكى ھەيز دېگەن ئايالنىڭ ئىددىتى ئاخىرلىشىدىغان ئۈچ ھەيزنىڭ قاتارىدىن ھېسابلانمايتتى، پەيغەمبەرئەلەيھىسسالام: «ئايالىنى تالاق قىلىنغان ھەيزدىن پاك بولغۇچە ئەمرىدە چىڭ ساقلىسۇن، ئاندىن يەنە بىر ھەيز كۆرۈپ، ئۇ ئىككىنچى قېتىملىق ھەيزدىن پاك بولغاندا، خالىسا ئەر-ئاياللىق مۇناسىۋەت قىلماستىن تالاق قىلىۋەتسۇن، خالىسا ئەمرىدە ساقلىسۇن، ئاشۇ ھەيزدىن پاك بولۇپ جىنسى مۇناسىۋەت قىلماي پاك ھالىتىدە تالاق قىلىۋېتىش بولسا ئاللاھ تائالا ئاياللارنى تالاق قېلىۋىتىشكە بۇيرىغان ئىددەت ھېسابلىنىدۇ، بۇ توغرىدا ئاللاھ تائالا مۇنداق دەيدۇ: «سىلەر ئاياللارنى تالاق قىلغان بولساڭلار، ئۇلارنىڭ ئىددىتى توشاي دەپ قالغان بولسا، ئۇلار بىلەن چىرايلىقچە يارىشىپ، (ئۇلارنى نىكاھىڭلاردا) تۇتۇڭلار، ياكى ئۇلارنى ياخشىلىق بىلەن قويۇۋېتىڭلار»بەقەرە سۈرىسى 231-ئايەت

مەنالار تەرجىمىسى: ئىنگىلىزچە تەرجىمىسى فىرانسۇزچە تەرجىمىسى تۈركچە تەرجىمىسى ئوردۇچە تەرجىمىسى ھىندىنوزىيەچە تەرجىمىسى بوسناچە تەرجىمىسى روسچە تەرجىمىسى خەنزۇچە تەرجىمىسى پارىسچە تەرجىمىسى ھېندىچە تەرجىمىسى
تەرجىمىلەرنى كۆرۈش