عن أبي هريرة وجابر رضي الله عنهما : أن النبي صلى الله عليه وسلم قال: «الحَرْبُ خَدْعَة».
[صحيح] - [متفق عليه]
المزيــد ...

Ayon kina Abū Hurayrah at Jābir, malugod si Allah sa kanilang dalawa: "Ang Propeta, pagpalain siya ni Allah at pangalagaan, ay nagsabi: Ang digmaan ay panlilinlang."
[Tumpak] - [Napagkaisahan ang katumpakan]

Ang pagpapaliwanag

Ang digmaan ay panlilinlang. Ibig sabihin: ang panlilinlang sa mga Kāfir at ang pagpapakana laban sa kanila sa digmaan ay ipinahihintulot alang-alang sa pagdudulot at paglalapat ng kapinsalaan sa kanila kasabay ng kawalan ng mga kapinsalaan sa mga Muslim. Hindi maibibilang ito na masama sa Batas ng Islam, bagkus ito ay kabilang sa mga kinakailangang gawin. Nagsabi si Ibnu Al-Munīr, kaawaan siya ni Allah: "Ang digmaang maganda para sa sangkot dito, na lubos sa layon nito ay ang panlilinlang lamang hindi ang pakikipagharap. Iyon ay dahil sa panganib ng pakikipagharap at samantalang ang pagkamit ng tagumpay gamit ang panlilinlang ay walang panganib." Hindi napabibilang sa panlinlang ang kataksilan. Ito ay ang pagsira sa pangako at kasunduan sa pagitan ng mga Muslim at mga kaaway nila. Nagsabi si Allah: "Kung pinangangambahan mo nga sa anumang mga tao ang isang pagtataksil ay ibato mo sa kanila ang kasunduan [upang maging] ayon sa pagkakapantay. Tunay na si Allah ay hindi umiibig sa mga nagtataksil." (Qur'an 8:58) Ibig sabihin: Kung sa pagitan ninyo at ibang mga tao ay may kasunduan, ipaalam ninyo sa kanila ang pagpapawalang-bisa rito bago makipagdigma sa kanila upang kayo at sila ay maging nasa magkapantay na kalagayan.

Ang Salin: Ang Balarila ng Wikang Ingles Ang Wikang Pranses Ang Wikang Espanyol Ang Wikang Turko Ang Wikang Urdu Ang Wikang Indonesiyano Ang Wikang Bosniyo Ang Wikang Ruso Ang Wikang Bangla Ang Wikang Tsino Ang Wikang Persiyano الهندية الفيتنامية السنهالية الهوسا
Paglalahad ng mga salin